martes, 1 de decembro de 2020

NOVEMBRO, MES DA CIENCIA EN GALEGO

 Ola amiguiñxs:

Contáronme que estades facendo unha manchea de experimentos. A rapazada de segundo mandoume as fotos e o vídeo do seu experimento. Ollade!










Despois cubriron unha ficha onde recollían os ingredientes e os pasos a seguir para a realización do experimento. Para que logo, os que quixeran, puideran facelo na casa.








Moitas grazas por compartilo con nós!
Biquiños.






domingo, 29 de novembro de 2020

DÍGOCHO EU!

 Ola amiguiñxs:

Como ides levando o curso? Eu estou moi contento. Hoxe envioume a rapazada de primeiro un vídeo chulísimo. Animados pola presentadora do programa Dígocho Eu da TVG, quixeron facer o seu propio programa ensinando a empregar palabras galegas relacionadas co Samaín, o Magosto e o outono, en xeral. Ademais debuxaron as ilustracións para decorar o fondo, pois a gravación está feita coa técnica croma. Ollade!

 

Encántame! Fixestes un gran traballo! Moitas grazas por compartilo con nós.

Biquiños.



mércores, 25 de novembro de 2020

25 DE NOVEMBRO, DÍA INTERNACIONAL DA NON VIOLENCIA

Este ano, por mor da pandemia, non puidemos celebrar esta data tan importante todos xuntos. Cada clase festexouna de diferentes maneiras. Estas foron as actividades que se realizaron: 

- Na Hora de ler, lemos libros sobre igualdade. Despois debate, reflexións e comentarios dos mesmos. Tamén se realizaron pequenos proxectos e diversos traballos.

- Repartimos polas aulas un libro que narra a biografía dunha muller ilustre da nosa vila, Matilde Bares, que nos regalou o Concello.


- Algúns grupos saíron ao patio e fixeron unha pintada no chan.






- Repartimos entre o alumnado unhas máscaras conmemorativas desta data. Foi un agasallo do Concello.


- Tamén fixemos no corredor da biblioteca unha pequeniña exposición cuns carteis que elaborou a Deputación de Pontevedra en colaboración coa Universidade de Vigo. Estes carteis viñan na MALETA DOS OCÉANOS DA AXENDA 2030 e forman parte dun conxunto de recursos didácticos  que abordan seis temáticas diferentes e complementarias:
* Educación para a sustentabilidade sen igualdade de xénero?
* O marisqueo a pé, un traballo de mulleres.
* Redeiras, salga e conserva, un traballo de mulleres.
* Investigadoras mariñas saíndo da sombra.
* Océanos en perigo!
* Os óceanos. O Planeta azul.







Se queredes máis información sobre este interesante proxecto, premede na seguinte imaxe!














domingo, 22 de novembro de 2020

NOVEMBRO, MES DA CIENCIA EN GALEGO

 Ola amiguiñxs: 

Espero que esteades moi ben.

Non parades de experimentar! Hoxe chegoume un vídeo cun experimento que fixo a rapazada de quinto no recuncho de ciencias do Bibliocastelo. Preme na seguinte imaxe para poder velo.


Moitas grazas por compartilo con nós.

Biquiños.




venres, 13 de novembro de 2020

NOVEMBRO, MES DA CIENCIA EN GALEGO

 Ola amiguiñxs:

Hoxe estou moi contento, xa que me chegaron as vosas primeiras fotos experimentando. Son da rapazada de cuarto, que realizaron un experimento chamado: 

"Como facer fluído non newtoniano"

Menudo nome! A pesar deste nome tan complicado é moi doado de facer e os resultados son incríbeis! Ollade as imaxes!






Moitas grazas polas fotos! Encántame o voso experimento!

No seguinte vídeo explícase como facelo, por se queredes experimentar.


Biquiños.


mércores, 11 de novembro de 2020

UNHA GRAN NOTICIA!

Benqueridxs amiguiñxs:

Hoxe teño que contarvos unha nova moi interesante. Paco Nogueiras vai sacar un novo libro-Cd titulado Extra. E... a que non sabedes quen é o seu ilustrador? Pois, nada máis nin nada menos que o meu amigo Marc Taeger, o que me pintou tan guapo na porta do Bibliocastelo!

Vouvos amosar algunhas das marabillosas imaxes que realizou para ilustrar este fantástico libro. Ollade!




Se queredes ver máis ilustracións e saber máis cousas premede na seguinte imaxe!


Este novo libro de Paco Nogueiras, ilustrado por Marc Taeger e publicado por Kalandraka estará dispoñible a finais deste mes de novembro. Estou desexando velo,  escoitalo e que forme parte da colección que teño no Bibliocastelo.
Parabéns, Marc! Un traballo fantástico!

Biquiños.

  




luns, 2 de novembro de 2020

NOVEMBRO, MES DA CIENCIA EN GALEGO

Ola amiguiñxs:

Este mes de novembro celebramos o MES DA CIENCIA EN GALEGO.

Desde a Consellería de Cultura, Educación e Universidade, en colaboración coa Secretaría Xeral de Política Lingüística, vense impulsando a celebración anual do mes de novembro como o MES DA CIENCIA EN GALEGO NAS BIBLIOTECAS. Iníciase esta actuación coa elección dunha imaxe e a difusión dun texto, a modo de MANIFESTO. Este ano o autor do mesmo é  Xurxo Mariño Alfonso, profesor, investigador e divulgador científico. O autor salienta que este mes "... é unha oportunidade estupenda para deixarse enfeitizar pola maxia dos libros e do coñecemento que atesouran."

Déixovos o manifesto para que o leades.


No Bibliocastelo tedes unha exposición de libros de ciencia en galego moi interesantes. Achegádevos a velos!
Na páxina de Bibliotecas Escolares de Galicia publicáronse unha morea de materiais de ciencia. Premede na seguinte imaxe para velos.


Sei que algúns grupos estades facendo experimentos moi chulos. Agardo impaciente as vosas fotos coas vosas experiencias!

Biquiños.



 

sábado, 24 de outubro de 2020

DÍA DAS BIBLIOTECAS ESCOLARES, O MEU ANIVERSARIO

 Hola amiguiñxs:

Estou supercontento! Hoxe foi o meu aniversario e aínda que non puidemos festexalo todos xuntos no Bibliocastelo, como a min me houbera gustado, tampouco estivo tan mal, non si?

Gustáronme moito as tarxetas e os debuxos que me fixestes. Todos os vosos agasallos enchéronme de ledicia! E por suposto, encantáronme as vosas cancións. Que ben me cantastes o "Parabéns", ata en lingua de signos! Que marabilla! Ollade!




Están xenial! Como me gustan! Sodes tan agarimosos comigo...!
Moitísimas grazas! Quérovos!

Biquiños.


24 DE OUTUBRO, DÍA DAS BIBLIOTECAS ESCOLARES

Dende o ano 1997 celébrase o Día das Bibliotecas o 24 de outubro. Esta conmemoración está impulsada pola Asociación de Amigos del Libro Infantil y Juvenil. O lema da edición deste ano é:

"Bibliotecas, sempre ao teu carón"

Fai  referencia ao papel tan importante que desempeñan as bibliotecas, ofrecendo acceso á cultura, ao coñecemento e ao entretenemento en calquera lugar e circunstancia. As bibliotecas sempre están ao noso carón, ofrecéndonos recursos, información e apoio, incluso en momentos tan complexos como os que estamos a vivir.

Como todos sabemos, tamén é o día do aniversario da nosa benquerida mascota, Papirus. Sempre facemos unha gran festa no Bibliocastelo para celebralo, pero este ano por mor do COVID tivemos que adaptarnos ao protocolo e festexalo cada grupo na súa aula. Tamén esta data é o punto de partida, a presentación do proxecto do curso. Papirus envionos unha sentida carta na que nos explica todo e un vídeo para que entendamos mellor o obxectivo do proxecto deste ano . Ollade!

Polo tanto, como moi ben nos conta papirus na súa carta, imos traballar os ODS (Obxectivos de Desenvolvemento Sostible). Este vai ser o título do noso proxecto :

"Comprometémonos co noso planeta"

Que...? Estades preparados para empezar a traballar? Eu coido que si! Veña imos aló!!


luns, 19 de outubro de 2020

DÍA DAS ESCRITORAS

 Ola!

Sabedes que hoxe se celebra unha data moi importante? O Día das Escritoras. A data elixida é o luns máis cercano á festividade de Teresa de Jesús, o 15 de outubro. Polo que a V edición celébrase este ano 2020, o 19 de outubro, ou sexa, hoxe. O obxectivo é reinvindicar o labor e o legado das escritoras a través da historia.

Esta iniciativa está promovida pola Biblioteca Nacional de España en colaboración coa FEDEPE (Federación Española de Mujeres Directivas, Ejecutivas, Profesionales y Empresarias) e coa Asociación Clásicas y Modernas.

O lema deste ano é:

"O esforzo cotián das mulleres"

A asesoría de Bibliotecas Escolares de Galicia realizou unha recompilación de fragmentos de escritoras galegas. Botádelle un ollo e gozade coa súa lectura!

Para conmemorar esta data tan importante prepareivos no Bibliocastelo, no recuncho das novidades, unha exposición de libros escritos por mulleres, para visualizar especialmente a obra de escritoras galegas. 

A que estades agardando? Achegádevos a velos!

En Bueu tamén temos escritoras importantes: Asún Estévez, Fátima Chamadoira, Olalla González e as poetisas Miriam Ferradáns e Lucía Novas. Se queres saber algo máis preme na seguinte imaxe.


Algúns grupos fixeron traballiños moi interesantes na Hora de Biblioteca. A rapazada de segundo fixo fermosos debuxos coas portadas de libros de escritoras galegas, que están no expositor. Ollade!




 Noraboa, fixestes un traballo chulísimo!


 Biquiños