xoves, 20 de xuño de 2019

OBRADOIRO DE NARRACIÓN ORAL E LECTURA EXPRESIVA

Estamos de noraboa! No mes de maio fomos un dos dez centros seleccionados polo traballo desenvolvido polo voluntariado de lectura, convocado pola Dirección Xeral de Centros e Recursos Humanos, dentro do Programa de Bibliotecas Escolares Solidarias. Preme na imaxe do lado para ler o texto da resolución.
O noso centro foi seleccionado no apartado de VOLUNTARIADO DE LECTURA-A, destinado a incentivar o voluntariado cultural relacionado coa lectura entre o alumnado de quinto e sexto. Foi un premio ao labor desenvolvido polos nosos voluntarios e voluntarias de sexto que colaboran coa biblioteca.
Noraboa rapaces e rapazas, fixestes un gran traballo!!
Hoxe, recibimos o agasallo por este premio, un obradoiro de narración oral e lectura expresiva, que dirixiu Charo Pita. Como a rapazada de sexto estaba de excursión de fin de curso, os que gozaron del foron un grupo de alumnos e alumnas de quinto que o vindeiro curso tamén serán axudantes de Papirus.
O obradoiro foi ameno, divertido e moi enriquecedor e interesante. Durante máis de dúas horas os rapaces e rapazas, dirixidos por Charo, aprenderon truquiños para mellorar a súa oralidade e a lectura en voz alta. Pasárono xenial! Ollade!










































Moitísimas grazas as autoridades , organismos e todas as persoas que forman parte deles, por concedernos este obradoiro  (Bibliotecas Escolares, Dirección Xeral de Centros e Recursos Humanos...), e en especial a Charo Pita por compartir un anaquiño do seu tempo e os seus coñecementos con nós. 
Grazas Charo, cando queiras pásate polo Bibliocastelo. Recibirémoste cos brazos abertos!

mércores, 19 de xuño de 2019

FESTIVAL FIN DE CURSO


O pasado venres despedimos un ano máis a promoción de mozos e mozas que remataron sexto. Tamén un ano máis, querémolos felicitar a eles e as mestras e mestres que os axudaron, polo magnífico espectáculo co que nos agasallaron.
O eixo central de todas as actuacións foi o setuaxésimo aniversario da Declaración dos Dereitos Humanos, tema do noso proxecto de biblioteca deste curso.
Comezaron o festival cunha canción da película "Os nenos do coro" que fai referencia aos nenos e nenas que sofren indefensos a realidade que lles tocou vivir (refuxiados, nenos soldado, nenos e nenas que son explotados...).


Seguiron coa dramatización do poema de Rosalía de Castro "Pra Habana" que nos fai reflexionar sobre o drama da migración.


A continuación cantaron todos xuntos "Sólo le pido a Dios" de Mercedes Sosa, un alegato en defensa da conciencia cívica.



As catro actuacións seguintes atinxían ao respecto á diversidade "This is me", "The greatest Showman", pertencentes a banda sonora da película "The greatest showman", "I want to break free" de Queen e "Iguales" de Javi Mota.














Avanzando na defensa da identidade tocaron coa frauta dous temas, "O himno da alegría" de Beethoven, actual himno europeo e "O son do ar" de Lúar na Lubre.




O último terzo do festival dedicáronllo a figura dos tres precursos do Rexurdimento: Rosalía de Castro, Curros Enríquez e Eduardo Pondal.






             Como broche final, todos xuntos cantamos o himno galego.



As mestras e mestres do CEIP A Pedra desexámosvos un futuro de éxitos e bonanza no que cadaquén de vós atope o seu camiño cara un desenvolvemento pleno. E sobre todo, lembrade que vos queremos.