Este é o blog da BIBLIOTECA e do EDLG do CEIP Plurilingüe A PEDRA de Bueu (Pontevedra)
Ola amiguiños/as:
Agora que está a piques de rematar o curso. quero convidarvos a seguir gozando la lectura e dos libros. Para isto poñemos en marcha o empréstito de verán. Neste cartaz tendes toda a información e se queredes velo mellor, premede na imaxe e ata podedes descargalo.
SE NON PODES VIR NAS DATAS PROPOSTAS FALA CO TEU TITOR OU TITORA OU ACHÉGATE Á BIBLIOTECA PARA FALAR COAS ENCARGADAS E SOLUCIONALO.
Este ano de Olimpíadas non podía faltar unha guía cunha pequena escolma de títulos que recomendamos dende o Bibliocastelo.
Agardo que vos gusten!!! Preme na imaxe para ler e ver mellor os libros.
Co gallo do noso proxecto sobre as Olimpíadas, recibimos unha visita moi especial; varias adestradoras e varios deportistas do CLUB TAMIAR de Vigo. Ensináronnos que é o deporte adaptado, concretamente dúas disciplinas que practican no seu club:.
O BOCCIA, deporte paralímpico moi similar á petanca. Xógase por equipos e gaña o que logra máis puntos ao achegarse o máximo á bóla branca.
O SLALOM, xogo no que hai que superar distintos obstáculos sentados en cadeira de rodas no menor tempo posible e sen tirar ningún bolardo.
Resultou moi divertida e aprendemos que é posible practicar deporte máis aló das dificultades e das barreiras.
Aquí vos deixo dous videos da xornada.
Hoxe visitou o noso Bibliocastelo Anxo González Guerra, avo do noso compañeiro Aldán, e contador de contos antigos, dos que se contaban ao carón das lareiras no inverno.
PREME NA IMAXE PARA COÑECER OS DETALLES
O mércores 8 de maio, o alumnado de 1º, 2º, 3º e 4º participou nunha actividade deportiva moi divertida e instutiva da man da Asociación Pho3nix Kids da que é embaixador Javier Gómez Noya. O obxectivo era fomentar a diversión a través do exercicio físico coa práctica do Triathlon.
O sábado 27 de abril tivo lugar a III edición do Festival Artístico Solidario, Art for Change que organiza o IES Johan Carballeira e no que participamos como convidados xunto coas outras escolas do concello. Este ano celébrase nas novas instalacións da biblioteca municipal que aínda está por inaugurar.
A temática desta 3ª edición é o mundo celta e a identidade. A finalidade é recadar fondos para a Asociación Amanecer e para a Illa dos Ratos. Todo o cole participa no evento coas súas creacións.
Hoxe recibín unha agradable sorpresa, viñeron de visita os meus amiguiños/as de 4º de infantil acompañados das súas mestras. Despois de saudarnos e descubrir os recunchos do meu castelo chegou a hora de gozar cos libros.
As mestras contáronlles dous dos meus contos favoritos:
Abril é un mes moi especial para a lectura e os libros. O 2 de abril celebramos o DÍA DO LIBRO INFANTIL
Sobre as alas, os contos viaxan.
Desexando sentir o latexo do teu corazón.
Son o Conto Viaxeiro. Vou voando a calquera sitio.
 |
| Preme na imaxe para ler o texto completo |
E non queda todo aquí, o 23 de abril celebramos o DÍA DO LIBRO e me gustaría celebralo amosándovos este video que fun facendo con imaxes que reflicten o día a día do meu querido BIBLIOCASTELO. Agardo que vos guste:
Veu falar co alumnado de 5º de primaria do seu libro de poesía UNHA NOVA DIMENSIÓN que foi Premio Merlín en 2022. Trátase dun libro de poemas moi inxenioso artellado a partir do concepto xeométrico de dimensión, cunha gran dose lúdica e imaxinativa.
Foi unha sesión moi divertida e animada onde rapeamos poemas e recitamos un abecegrama.
A rapazada de 5ª estivo lendo o seu libro "A folla azul" que conta a historia de Husu Aké filla da Terra e membro da tribo dos Tacaré. Trátase dunha tribo indíxena que vive oculta no corazón da selva na Amazonia.
A partir das preguntas que o alumnado levaba preparadas, foinos contando moitas cousas sobre este libro.
Antes de marchar asinou os exemplares dos rapaces/zas con moito cariño.
MOITAS GRAZAS ANDREA!!! AGARDAMOS QUE VOLVAS PRONTO!!!
Contestou a todas as nosas preguntas que foron moitas. Soubemos que coñeceu a un elefante nun refuxio cunha biografía parecida á de Tep. Tamén que o personaxe que máis lle gusta de toso os libros que escribiu é Lawen.
Descubrimos que xa ten moitos libros escritos e que pronto vai publicar algún maís.
 | |||||||||||||||||||||||||||||||||||||||||||||||||||||||||||||||||||||||||||||||
| PREME NA IMAXE PARA SABER MÁIS | |
Como punto e final do seu proxecto, os trasniños/as celebraron unha preciosa CERIMONIA DE CLAUSURA, con entrega de medallas, desfile, festa e apagado do lume olímpico.
E comezaron os xogos para os Trasnos. Que ben se lle dan os deportes!!! Practicaron distintas disciplinas olímpicas:
Co gallo do 8 de marzo, o alumnado de 4º estivo investigando sobre mulleres deportistas galegas, aínda que tamén incluíron algunha doutra comunidade. Como resultado do seu traballo, nos deixaron esta presentación onde podemos coñecer e aprender moito sobre o esforzo e a disciplina do deporte.
