venres, 20 de decembro de 2013

CONCURSO DE POSTAIS NADAL 2013

A entrada do noso cole encheuse de cor e ilusión grazas as postais de Nadal que fixeron os nosos alumnos e alumnas. 



Coma sempre, a dose de creatividade e orixinalidade vese superada amplamente ano tras ano. Noraboa a todos e todas, polos fantásticos traballos presentados e en especial ao alumnado seleccionado dos distintos cursos.

xoves, 19 de decembro de 2013

LER E AGASALLAR EN GALEGO

Guías de lectura en galego elaboradas pola Coordinadora de Dinamización Linguística, coas suxestións dos centros públicos do Morrazo.

O LIBRO DOS REIS MAGOS

Os Reis Magos diríxense a todos os nenos e nenas galegos a través dunhas fermosas cartas que podedes ver e ler nesta presentacións:

mércores, 18 de decembro de 2013

UN NADAL CHEO DE ILUSIÓNS

Dende o Bibliocastelo desexámosvos un fermoso Nadal cheo de libros e ilusións. Esta é a nosa guía de lecturas con novidades e recomendacións para estas datas. 



venres, 6 de decembro de 2013

OLLOS DE AULA Nº 11

Un novo número da revista OLLOS DE AULA, e xa van once.

ADEUS A NELSON MANDELA

BIBLIOTECA XOAN FARIAS( CEIP DE PAZOS)
"A grandeza da vida non consiste en non caer nunca, se non en levantarnos cada vez que caemos"

Morre aos 95 anos o ex-presidente de Sudáfrica e Premio Nobel da Paz.
Mandela é un símbolo a nivel mundial que fixo da súa vida unha loita polas inxustizas e que cambiou a historia de Sudáfrica. 
Estaba chamado a ser o xefe dunha tribu e acabou converténdose no avó de todo un pobo. 
Nelson Mandela, preso político máis famoso da historia, preparou as armas para responder ao acoso do Apartheid, pero conseguiu o Nobel da Paz e o respecto de toda a Comunidade Internacional. Mandela representa a universalidade dos dereitos civís.






Nestes videos pódese ver de maneira moi resumida a súa traxectoria vital. 



PREME NA IMAXE


Dende aquí o noso pequeno homenaxe de despedida para este loitador " A morte é algo inevitable. Cando un home fixo todo o que creu necesario polo seu pobo ou país, pode descansar en paz. Creo que eu cumplín con ese deber, por iso descansarei en paz por toda a eternidade"

domingo, 17 de novembro de 2013

O NOSO POLBIÑO PAPIRUS

O noso polbiño Papirus está a ser, sen ningunha dúbida, o protagonista deste trimestre no noso cole.
Pequenos e grandes gozan coa súa canción que en breve vai saír publicada nun disco.



No disco comparte protagonismo coas melodías dos seus amigos do Ceip Carballal de Marín,  o Choco "Catro Ollos", as tartarugas Tambo e Onza, a sereiña Cristal ... 



Pero non todo queda aquí... os máis pequeniños do cole, mergulláronse nun proxecto a partires da canción que resultou todo un éxito: buscaron información sobre os polbos e, coa colaboración dos pais e nais, aprenderon moitas cousas novas. Preme na imaxe para coñecer de primeira man todas estas actividades.


PREME NA IMAXE
Os maiores do cole, o alumnado de sexto, tamén estivo facendo un traballo de investigación sobre Papirus e os seus amiguiños. O resultado da súa pescuda atópase exposto nun mural no corredor do Bibliocastelo.



Primeiro investigaron onde viven os polbos, de que se alimentan, a que familia pertencen, como se reproducen...

Despois buscaron información sobra a mellor amiga de Papirus: A vieira "Cocorola". Así aprenderon moitas cousas interesantes sobre estes moluscos bivalvos: onde viven, as súas características principais, a que familia pertencen, como se alimentan, como se reproducen...



venres, 1 de novembro de 2013

MIGUELANXO PRADO PREMIO NACIONAL DE CÓMIC


Miguelanxo Prado, nado na Coruña, ven de ser distinguido co Premio Nacional de Cómic 2013, concedido polo Ministerio de Cultura. 
Primeiro galego en conseguir este galardón, é, hoxe en día, un dos autores máis recoñecidos no mundo do cómic. 
Autor de obras como "TRAZO DE TIZA"  e a serie de historietas "QUOTIDIANÍA DELIRANTE". Esta última foi considerada mellor obra nacional no pasado salón do cómic de Barcelona.

O xurado destacou o carácter poético da súa obra ARDALÉN, unha mestura de sono e realidade, de memoria e de esquecemento. Estas son as claves, xunto coa mestría técnica no uso do color, deste autor galego, moi recoñecido no estranxeiro. 
ARDALÉN é a historia das raíces de Sabela, que regresa ao pobo natal do seu avó para tratar de reconstruír o seu pasado, a súa vida. O seu avó emigrara nos anos trinta as Américas e desde entón, non se volveu saber nada del. Sabela ponse en contacto con Fidel, o único nexo co seu avó desaparecido.

Preme nas imaxes para obter máis información sobre este escritor e ilustrador galego de banda deseñada e cómics e a súa obra.

xoves, 31 de outubro de 2013

CABAZAS DE CÓMIC

Esta semana a entrada do noso cole encheuse de cores, creatividade e imaxinación. Xulgade vós mesmos:


Como ven sendo tradición, ninguén quixo faltar á cita. Por iso todos trouxeron a súa cabaza decorada.


Este ano, o tema para todo o centro foi "O CÓMIC", tomando como referencia o noso proxecto "ENTRE VIÑETAS" que empezamos a traballar este mes.


A ver cantos personaxes sodes quen de recoñecer...


Mortadelo e Filemón, Asterix e Obelix, Spiderman ...



Tatá Bolechas, Capitán América, Batman, Mike Wazowski...


Tintín, Betty Boop, Homer Simpson ...



Gerónimo Stilton, Supermán, Braulio Bolechas...


Doraemon, Epi e Blas, Chispa (can dos Bolechas) ...



Para imaxinación a de o noso alumnado e as súas familias que un ano máis nos deixaron marabillados coa súa capacidade de creación e innovación.
MOITAS GRAZAS pola vosa participación!!!

martes, 29 de outubro de 2013

LIBROS PARA MORRER DE MEDO

Neste tempo de outono, a biblioteca vestiuse de Samaín. Para que todos e todas poidamos escoller as nosas lecturas terroríficas preparamos un expositor cheo de libros relacionados co tema. Aínda non pasaches a recoller o teu? Pois non sei a que estás agardando!!! 



luns, 28 de outubro de 2013

DÍA DAS BIBLIOTECAS ESCOLARES

Un ano máis chegou o 24 de outubro, DÍA DAS BIBLIOTECAS ESCOLARES e ANIVERSARIO DE PAPIRUS. Nesta ocasión o noso polbiño preferido non puido estar con nós pero como sempre nos leva no seu corazón, deixounos unha preciosa CARTA.


Presentounos o video da súa historia "PAPIRUS O POLBIÑO LECTOR" que preparou empregando as novas tecnoloxías, coa axuda da súa amiga e compañeira "A vieira Cocorola".



Contounos que durante as vacacións de verán foi con Cocorola visitar uns amiguiños e amiguiñas, mascotas da biblioteca escolar do cole "O Carballal" en Marín. Antes de marchar, Victor, o mestre de música, agasallouno coa súa propia canción. E sen dubidalo todos xuntos lle cantamos " Papirus, ten tres corazóns..."



Falounos do proxecto que está preparando para este curso "ENTRE VIÑETAS" que nos permitirá profundizar no mundo do cómic.



A continuación, sorprendeunos cun marabilloso cómic, escrito e ilustrado polo seu amigo, Miguel Angel Trassierra Lois "TRASSIWOLF" no que se conta unha aventura que lle aconteceu a Papirus durante as vacacións cos seus amigos, as tartarugas Tambo e Onza.

Para rematar, todos xuntos felicitamos a Papirus cantando "Parabens para ti", "Cumpleaños feliz" e "Happy birthday to you" diante do fermoso mural que nos pintou David nunha das paredes do Bibliocastelo.


E como en toda festa de aniversario non faltaron os agasallos:




Para ver máis premede nestes enlaces:  OS TRASNOS  -  CLASE DOS CORAZÓNS  -  APRENDEMOS NA REDE  -   2º CICLO 

mércores, 9 de outubro de 2013

LER CIENCIA NA BIBLIOTECA ESCOLAR

Preme na imaxe
Este é o cartel que a Consellería de Educación editou este ano para conmemorar o DIA DA BIBLIOTECA (24 de outubro) e participar da celebración do mes da biblioteca escolar que propón a IASL (International Association of School Librarianship)
O lema elixido para este ano "LER CIENCIA NA BIBLIOTECA ESCOLAR" trata de sensibilizar sobre a importancia da lectura de textos de carácter científico, de textos divulgativos ou de textos literarios que tratan temas relacionados coa ciencia.
A ilustración é de Patricia Castelao.

A POESÍA GALEGA ESTÁ DE NORABOA!!!


Preme na imaxe
Manuel Álvarez Torneiro, escritor galego vinculado ao xornal A Voz de Galicia, ven de gañar o Premio Nacional de Poesía 2013 coa súa obra "Os ángulos da brasa" publicada na colección Tambo, da Factoría K (Kalandraka) .

Este libro xa fora recoñecido co Premio da Crítica de Poesía galega que concede a Asociación Española de Críticos Literarios, co Premio Ánxel Casal da AGE (Asociación Galega de Editores) e co premio da AELG á mellor obra de poesía do ano 2012.
Preme na imaxe
Leva publicados uns 13 poemarios máis, entre os que destacan "Memoria dun silencio" (1982),  "Rigorosamente humano" (1995) e "Luz de facer memoria" (1999).


Conta tamén con outros galardóns como o Premio Esquío (1994), o González Garcés (gañado en dúas ocasións nos anos 1998 e 2000) e o Premio da Crítica Española (1999); tamén foi nomeado socio de honra da AELG (Asociación de Escritores en Lingua Galega)


Vaian dende aquí os nosos parabéns ao poeta, a factoría K e á poesía galega! 


domingo, 29 de setembro de 2013

NOVO CURSO NOVAS AVENTURAS

A partires do martes 1 de outubro,  O Bibliocastelo A Pedra abre as súas portas a unha nova aventura. 
Para esta nova andaina que vai comezar, temos preparadas moitas sorpresas e novidades que iredes coñecendo pouco a pouco.
Para quentar motores empezan a rodar xa, as primeiras MOCHILAS VIAXEIRAS cara os fogares dos nosos rapaces e rapazas.

"Se lle das so doces a un neno o seu placer será momentáneo pero se lle das un libro a súa ledicia será permanente. Ler para gozar, ler para coñecer, ler para comprender, ler para medrar como ser humano”

sábado, 29 de xuño de 2013

CONTO VIAXEIRO: UNHA AVENTURA MONSTROSA

Este é o conto viaxeiro elaborado entre todos os alumnos e alumnas do noso cole. Cada clase aportou un anaquiño da historia "Unha aventura monstrosa" que comezou cos máis pequeniños/as de educación infantil e seguiu despois cos rapaces e rapazas de educación primaria.  Esperamos que vos guste.



martes, 25 de xuño de 2013

II CAMPAÑA DE LECTURA PARA O VERÁN

“En calquera momento do ano, en calquera época da vida para calquera celebración, sempre, sempre é tempo de libros”


Dende o Bibliocastelo A Pedra queremos comunicarvos que por segundo ano, imos por en marcha a campaña de lectura para as vacacións.

Dende o martes 25 e ata o xoves 27 estará aberta a biblioteca de 11.00 a 12.00 da mañá para que os rapaces e rapazas que queiran poidan acercarse e escoller de entre os nosos fondos, un lote de 10 libros que poderan ler durante os meses de xullo e agosto.

Para poder levar en empréstito este lote de libros é imprescindible que veñades acompañados dunha persoa adulta responsable.

E non esquezades que como aos grandes amigos hai que coidalos como o mellor dos tesouros para devolvelos en bo estado porque a biblioteca é de todos/as e para todos/as.

As datas para que poidades devolver estes libros serán durante a primeira semana de setembro dende o luns 2 ao xoves 5 no mesmo horario de 11.00 a 12.00.



luns, 24 de xuño de 2013

DIPLOMAS E AGASALLOS DE DESPEDIDA

O venres 21 entregamos os diplomas e un pequeno agasallo de recordo ao alumnado de sexto que participou como AXUDANTE DE PAPIRUS durante este curso. 



Foi un pequeno acto no que manifestamos o noso agradacemento pola súa axuda e colaboración durante as horas de recreo. Desexámoslles a todos eles moita sorte na nova etapa que están a piques de comenzar.


MOITAS GRAZAS RAPAZAS E RAPACES

luns, 17 de xuño de 2013

GUÍA DE LECTURAS REFRESCANTES

Chegan as vacacións, a praia, o campo e o sol, as viaxes e as aventuras... E sempre cun libro ao noso carón. Porque os libros pódennos levar a calquera lugar que nos podamos imaxinar. 
Esta é a nosa guía, coas novidades e recomendacións de lecturas para que non deixes de gozar dos libros durante estes próximos meses de verán.



luns, 10 de xuño de 2013

VIOLETA MONREAL NO BIBLIOCASTELO

Onte 6 de xuño, tivemos o grandísimo pracer de contar, por segunda vez, coa ilustradora e escritora Violeta Monreal no Bibliocastelo. 
E que coincidencia! Resulta que era o día do seu aniversario por iso improvisamos un "Cumpreanos feliz" que lle gustou moito.


Chegou cunha maleta  ateigada de sorpresas que se foron convertendo en materiais máxicos que ela, coas súas mans resgaba e convertía en creacións fantásticas, deixándonos a todos e todas abraiados.


Mentras nos ía contando cousas moi interesantes, foi construíndo unha menina dos cadros de Velázquez para o primeiro ciclo e un cabalo para o segundo ciclo.


Explicounos que o noso cerebro é como unha bola de plastilina e cando escoitamos ou atendemos vólvese brando e cando non o facemos, vólvese ríxido e non nos deixa pensar. Por iso é moi importante saber escoitar.

Antes de empezar a facer un traballo temos que pensar e visualizar o que queremos facer. Pechamos os ollos e imaxinamos ...  agarrámolo coa man e plasmámolo no papel. 
Segundo o facemos imos vendo como vai quedando e se non nos gusta o rectificamos,  sempre  podemos empregar un tapadefectos para corrixilo.
O importante é facer as cousas con moitas ganas e ilusión.
Antes de marchar abriu a súa caixiña máxica e agasallou, a cada neno e nena,  cun recordo especial (unha folliña de selva, unha pedra máxica ...) para pegar no seu libro favorito.


Tamén nos falou do seu último libro: "Caperucita Roja"


Para rematar, neste video pódese observar o proceso do seu traballo:

venres, 7 de xuño de 2013

FRAN ALONSO NO BIBLIOCASTELO

O mércores 22 de maio visitou o noso Bibliocastelo Fran Alonso cuxas poesías estivemos lendo e traballando este ano.



Recitounos moitas dos seus poemas e falounos das distintas técnicas para crear versos estupendos: repeticións de sons ou de versos, acrósticos ... 




Con moitísima paciencia respondeu a todas as nosas preguntas e asinou nos nosos libros: "O meu gato é un poeta" que leron os rapaces e rapazas de terceiro de primaria e "Cidades" lido polos nenos e nenas de quinto de primaria.




Para ver e saber máis sobre a súa visita, preme AQUÍ