Este é o blog da BIBLIOTECA e do EDLG do CEIP Plurilingüe A PEDRA de Bueu (Pontevedra)
Ola amiguiños/as:
Chegou o Samaín, o tempo de bruxas e demos por iso a biblioteca se transformou nun castelo encantado con lecturas apropiadas.
O martes 31 de outubro o alumnado de 5º e 6º levou a cabo un obradoiro que se chamou:
E algúns e algunhas ata se atreveron a crear o seu propio conto de medo e escenificalo diante dos compañeiros/as:
Ola amiguiñxs:
Estou moi contento porque nesta semana viñestes celebrar comigo o 24 de outubro. Que ledicia tervos no Bibliocastelo compartindo lecturas!!!
 |
| Preme para ver o video |
Xa sei que non puidestes vir todos por mor da chuvia pero aínda estades a tempo de facelo.
 |
| Preme para ver o video |
Sorteando o mal tempo, o alumnado de 5º desprazouse ata o edificio de infantil e compartiu momentos inesquecibles cos máis pequenos do cole.
O alumnado de 6º tamén visitou aos compañeiros/as de infantil en canto o tempo o permitiu
Gustáronvos os marcápaxinas que vos enviei? A min encántame como os decorastes e agora agardo que vos sirvan para non perder as páxinas dos vosos libros preferidos.
Benqueridos amiguiños e amiguiñas, achégase unha data moi importante para o noso Bibliocastelo e para min.
O Día das Escritoras é unha iniciativa organizada entre a Biblioteca Nacional de España, a Federación Española de Mujeres Directivas e Executivas Profesionais e Empresarias (FEDEPE) e a asociación Clásicas e Modernas, Asociación para a igualdade de mulleres e homes na Cultura. Ademais, contará coa colaboración de Asociación Colexial de Escritores (ACE) e o Centro Español de Dereitos Reprográficos (CEDRO).
Conmemórase dende 2016, o luns máis cercano ao 15 de outubro e busca reivindicar o labor e o legado das escritoras a través da historia.
 |
| Exposición no Bibliocastelo |
 |
| Traballo de aula |
 |
| Traballo de aula |
O xoves 5 de outubro, inauguramos os RECREOS DE CONTO coa representación do conto de Eva Mejuto "CORRE CORRE, CABACIÑA" que tan ben coñecemos e tanto nos agrada.
Como todos os anos, estamos convidados a asistir á representación de curtas, adaptadas segundo as idades, no Centro Social do Mar de Bueu e organizada polo FESTIVAL INTERNACIONAL DE CINEMA DE BUEU
Ola amiguiñxs,
Este luns, 2 de outubro, comezamos unha nova andaina no Bibliocastelo que vai estar chea de novas aventuras lectoras e deportivas.
Cantos vos botei en falta!!!
Encantame tervos de volta, enchendo todos os espazos da miña casa e gozando cos meus libros preferidos.
Tamén quero dar a BENVIDA aos meus NOVOS/AS AXUDANTES, sempre atentos/as e con moitas ganas de colaborar.
