luns, 21 de decembro de 2015

XA CHEGOU O NADAL!

Dende o Bibliocastelo queremos desexar a toda a comunidade educativa un Bo Nadal e unhas Felices Festas. Para iso confeccionamos entre todas e todos esta fermosa postal que decora a entrada do cole.


Para elexir o lema que preside a postal, convocouse un concurso no que podían participar todas as familias. Tratouse dun gran reto, pois tiña que reflectir  a solidaridade coa xente que está a sufrir o terrible problema da emigración e ademáis tiña que facer referencia o proxecto deste ano, o Universo. Estamos moi satisfeitos co resultado acadado e queremos agradecer a participación de todos e todas que colaborastes nesta actividade.
O lema elexido foi o de Andrea Rial de 3º B :
"Por un Universo onde o Sol quente a todos por igual".
Parabéns a Andrea e a súa familia.
A elección non foi fácil, xa que había moitos lemas que recollían moi ben os requisitos esixidos. Por iso escollemos algúns deles para decorar o Bibliocastelo. Así enchemos a biblioteca de estrelas con fermosos desexos navideños. 
 










  
Se queres ler todos os lemas, e ademáis consultar recursos e actividades para o Nadal, preme na seguinte imaxe.  

http://enredemosapedra.blogspot.com.es/

domingo, 13 de decembro de 2015

NOVEMBRO. MES DA CIENCIA EN GALEGO

O pasado mes de novembro celebramos no Bibliocastelo o Mes da Ciencia en Galego. Co gallo desta celebración colocamos un expositor con libros científicos escritos en galego.


Ademais levamos a cabo diversos experimentos e traballos de investigación, relacionados co proxecto deste curso. Así os nenos e nenas de primeiro comprobaron os movementos de rotación e traslación da Terra e da Lúa.

 

Investigaron  sobre as fases da Lúa.



Comprobaron nunha caixa que fixeron con cartón as diferentes fases da Lúa.




Logo, con toda a información obtida cubriron unha ficha.






Ademais en diferentes  cursos, realizaáronse traballos de investigación de temática moi diversa, empregando a biblioteca como principal fonte de información. Por exemplo, os alumnos e alumnas de  cuarto investigaron a cerca das enfermidades.
Preme na imaxe para obter máis información desta actividade.  
                         
http://segundocicloapedra.blogspot.com.es/2015/11/investigando-enfermidades.html
 
 Os nenos e nenas de segundo, experimentaron cos sentidos. Preme na imaxe para saber máis da actividade. 

http://primeirociclonapedra.blogspot.com.es/2015/11/dia-da-ciencia-en-galego.html 

venres, 4 de decembro de 2015

CULTURGAL

Esta fin de semana (4, 5 e 6 de decembro) celébrase no Pazo da Cultura de Pontevedra, CULTURGAL, unha feira cultural na que os nenos e nenas son os grandes protagonistas. Este ano, haberá moita música, teatro, danza, libros e ciencia e  ademáis un espazo permanente para xogos e xoguetes tradicionais. Os máis cativos (entre cero e catro anos) poderán pasar un anaco divertido nunha BEBETECA (en forma de bosque dos sentidos) , un espazo multisensorial no que poderán explorar a través do tacto, vista . . .  
A entrada para menores de tres anos é gratuita , para os menores de doce anos custa un euro e para os adultos , dous euros.
 

http://culturgal.com/culturgal-2015-mellorando-a-experiencia-de-publicos-e-expositores/
 
Para consultar o programa e obter información, preme na imaxe.

xoves, 26 de novembro de 2015

VI XORNADAS DE BIBLIOTECAS ESCOLARES

 

A pasada  fin de semana (20 e 21 de novembro) celebrouse no Palacio de Congresos de Santiago de Compostela as VI Xornadas de Bibliotecas Escolares de Galicia. Este ano o lema foi "Biblioteca escolar, base de exploracións". Facendo alusión a este lema houbo un bo feixe de experiencias de distintas bibliotecas de Galicia que funcionan como "base de exploracións" , así como experiencias de traballos por proxectos coordinados por bibliotecas escolares.

Tamén acudiron expertos de distintos ámbitos, que axudaron a reflexionar sobre os distintos retos que deben enfrontar as bibliotecas escolares. Carlos Magro, Xurxo Mariño, Guadalupe Jover, Felicidad Campal, Rosa Piquín e Ana Siro acompañaron ao profesorado nesta cita anual de intercambio de experiencias , reflexión e análisis, para acadar un óptimo desenvolvemento dos recursos.    
Para acceder ao programa e aos materias expostos nas xornadas, preme na imaxe.

http://www.edu.xunta.es/biblioteca/redeBE/course/view.php?id=24

mércores, 25 de novembro de 2015

DÍA INTERNACIONAL DA NON VIOLENCIA CONTRA A MULLER

Hoxe conmemórase o DÍA INTERNACIONAL DA NON VIOLENCIA CONTRA A MULLER, e como todos os anos o Centro de Información ás Mulleres do Concello de Bueu, convoca entre os centros educativos , o XIII concurso de carteis "NON A VIOLENCIA DE XÉNERO".
Do noso cole participou todo o alumnado de 5º e 6º. Resultou premiado co 1º Premio de Educación Primaria : DENÍS IGLESIAS ESTÉVEZ de 5º A que participou cun orixinal cartel baixo o lema "Non cales".


 
Tamén recibiu unha mención especial : CARMEN CASTRO RECAMÁN de 5º A co lema "Educación, intelixencia emocional : solución ao quebravidas".


 
A entrega de premios terá lugar hoxe ás 12 : 00 no Centro Social do Mar.
Todos os carteis que participaron no concurso están expostos no colexio.
Noraboa aos gañadores e a todos os particiapantes!

martes, 10 de novembro de 2015

NOVEMBRO. MES DA CIENCIA EN GALEGO.

Por segundo ano consecutivo, desde a Consellería de Cultura, Educación e Ordenación Universitaria promóvese a celebración de novembro como MES DA CIENCIA EN GALEGO NAS BIBLIOTECAS , sumándose á celebración doutras iniciativas como o Día da Ciencia en Galicia, da Real Academia de Ciencias, celebrado o pasado 1 de xuño e dedicado á oceanógrafa galega Ánxeles Alvariño, ou o Día da Ciencia en Galego, que se celebrou o 4 de novembro, a instancia da Institución Galega de Ciencia entre outras institucións.
Desta vez o autor do manifesto para o Mes da Ciencia en Galego nas Bibliotecas é o científico e divulgador da Universidade de Santiago, Jorge Mira.  
http://www.edu.xunta.es/biblioteca/blog/
 
Premede na imaxe para acceder a páxina de Bibliotecas Escolares, onde atoparedes máis información , con Páxinas de Recursos para a Ciencia en Galego e ademais poderedes ler o texto íntegro do manifesto. 
 
 
 

venres, 6 de novembro de 2015

RECREOS DE CONTO

 
Hoxe no Bibliocastelo, tivemos un recreo moi especial. Alma, a auxiliar de conversa, contounos un conto clásico, "The three little pigs" (Os tres porquiños), nada máis nin nada menos que en inglés. A posta en escea correu a cargo duns nenos e nenas de primeiro, que estiveron ensaiando varios días coa profe Nuria para que todo saíse xenial. E así foi! Ollade as imaxes.



Alma, cos actores e actrices da representación.
 



 
 
Moitas grazas por compartir este fermoso conto con nós.
 
 

domingo, 1 de novembro de 2015

POR FIN, ESTAMOS NO SAMAÍN!

Co gallo do proxecto que estamos a levar a cabo este curso, celebramos un Samaín cósmico e intergaláctico.
Así a entrada do cole encheuse de cabazas espaciais. Había planetas, lúas, soles e ata algún que outro extraterrestre. Unha gran exhibición de creatividade. Ollade e xulgade vós mesmos.

Este extraterrestre da un pouco de medo!






E que me dicides deste outro. É arrepiante!






Tamén se confeccionou un mural con todos os conxuros cósmicos que elaboraron os alumnos/as nas aulas.


O mural dos conxuros quedou chulísimo!

Un ano máis o noso alumnado e as súas familias deixáronos abraiados co gran traballo levado a cabo, unha gran mostra de enxeño e creatividade.
Grazas pola vosa colaboración!