Hoxe despedimos o curso e tamén aos nosos alumnos e alumnas de 6º, que en setembro iniciarán unha nova andaina. Foron uns grandes axudantes de Papirus, traballaron arreo no funcionamento da biblioteca, por iso a nosa mascota quixo agradecérllelo, agasallándoos cun marcapáxinas personalizado, cun diploma e cunhas riquísimas galletas artesáns que levaban impresas a Papirus no seu papel de director de cine.
Fixémoslle entrega tamén das camisetas e diplomas que lles enviou a Dirección Xeral de Centros e Recursos Humanos xunto coa Dirección Xeral de Xuventude, Participación e Voluntariado da Consellería de Política Lingüística da Xunta de Galicia por participar no programa de BIBLIOTECAS ESCOLARES SOLIDARIAS no apartado de "Voluntariado de lectura... A".
Moitas grazas, rapaces e rapazas!!
Ningún comentario:
Publicar un comentario