Ola amiguiñxs:
Como xa sabedes, hoxe celébrase o Día da nosa gran escritora, Rosalía de Castro. Xa me enterei de que fixestes unha morea de actividades, que estivestes buscando información nos libros e nos ordenadores do Bibliocastelo. Para comprobar o que aprendestes podedes facer o seguinte Kahoot. Estades listxs? Pois...premede na seguinte imaxe!
Ademais escoitastes poemas musicados e ata fixestes recitado de poemas. E tamén cantastes! Os Furabolos da Pedra (5º de Educación Infantil) cantaron O moucho. Fixérono xenial. Ollade!
Os Laretas tamén cantaron, nesta ocasión foi o poema que Curros lle dedicou a Rosalía titulado A Rosalía. Premede na seguinte imaxe para ver o ben que o fixeron!
Gustoume moito a actividade proposta pola AELG (Asociación de Escritoras e Escritores Galegos), que consistiu en realizar unha rosa, logo decorala cuns versos de Rosalía e agasallar con ela a un amigo ou a unha persoa querida. Contáronme que tamén deixastes algunhas destas rosas por diferentes lugares da vila para que calquera persoa puidera gozar delas. Ollade no seguinte vídeo os lugares a onde foron parar algunhas das rosas.
Quedaron moi fermosas! Ollade no seguinte vídeo como foi todo o proceso.
Tamén quedou moi chulo o mural que realizastes cos retratos de Rosalía, simulando a técnica do POP ART de andy Wahrol.
Biquiños.
Ningún comentario:
Publicar un comentario