PRÓXIMA VISITA NO BIBLIOCASTELO

Estamos impacientes agardando a VISITA DE GONZALO MOURE prevista para o mércores día 8 de xaneiro. É a segunda vez que visita o noso Bibliocastelo e como xa o coñecemos sabemos que os rapaces e rapazas do 2º ciclo van gozar moito coa súa presenza.
Polo de agora xa o están pasando ben cos seus libros:

Os alumn@s de 3º están a ler CAMA Y CUENTO, a súa protagonista, Malva, xa é maior pero non quere perder o momento máxico no que a súa nai lle le contos pola noite antes de durmir. Unha historia preciosa para nais/pais e fill@s.

Os nen@s de 4º están a ler LOS CABALLOS DE MI TÍO. Darío, un neno de cidade que ten 10 anos vai veranear á finca dos seus tíos en Asturias. Alí coñecerá a Gioconda e Leonardo, dous cabalos aos que coidará e aprenderá a tratar,  descubrindo que os animais teñen sentimentos e necesitan afecto.


Para saber máis accede ao noso CADERNO DE VISITAS

SI QUE CHE GUSTA LER

O Ministerio de Educación, Cultura e Deporte vén de presentar unha campaña de lectura dirixida a mozos e mozas de 14 a 18 anos. Preme na imaxe e xoga.

UN ENTROIDO MEDIEVAL

Este ano o Ceip A Pedra vai volver atrás no tempo, viaxaremos ata a IDADE MEDIA e coñeceremos a época dos cabaleiros e dos señores feudais. Aprenderemos quenes e como eran os habitantes dos castelos e investigaremos como era a sociedade daquela época.
E cando chegue o Entroido sairemos polas rúas de Bueu cos nosos fermosos traxes medievais.
Para que  cheguedes a ser uns expertos en cuestións do medievo, empezaremos por visitar un castelo medieval pero non é un castelo calquera, preme na imaxe e xa verás...

WEBQUEST 2º E 3º CICLO

WEBQUEST SERVOS E VASALLOS

Agora imos ver un video moi interesante sobre os castillos medievais.


Ímonos divertir un pouco, ti sabes como e a que xogaban naquela época?

WEBQUEST: XOGOS NA IDADE MEDIA

WEBQUEST 5º PRIMARIA

WEBQUEST  INFANTIL E  1º CICLO

Entra nun castelo medieval premendo AQUÍ 


PROXECTO MEDIEVAL para traballar cos rapaces e rapazas de Educación infantil 

Segue a Martín no seu percorrido pola Idade Media

Os nenos e nenas de INFANTIL DE 3 ANOS estiveron facendo un precioso castelo na súa aula como se pode ver neste video

DÍA DA PAZ

O luns 30 de xaneiro, celebramos no patio do cole de Primaria, , o DÍA DA PAZ.

Nenos e nenas dos distintos cursos leron algunhas das  boas noticias que están expostas no mural da entrada do cole.

Todos xunt@s cantamos a canción de Louis Armstrong, WHAT A WONDERFUL WORLD, que preparamos nas aulas e démonos apertas de Paz, coa RUMBA DAS APERTAS.

Para rematar soltamos as pombas que voaron libres mentras tod@s nos aplaudiamos.

A PAZ TAMÉN É SOLIDARIEDADE COS DEMAIS

O venres 27, dentro das acividades realizadas para conmemorar o Día da Paz, contamos coa presenza duns conferenciantes moi especiais. Premede nos enlaces para saber máis.

RUMBA DAS APERTAS

Coa "Rumba das apertas" manifestaremos o noso Desexo de Paz o día 30 de xaneiro,  así que tod@s a practicar.

WHAT A WONDERFUL WORLD!!!

Esta é a canción escollida este ano para celebrar o DÍA DA PAZ e que cantaremos tod@s xuntos o día 30 no patio do colexio.

CANCIÓNS PARA A PAZ

ENLACES PARA A PAZ

Co gallo da celebración do Día da Paz o próximo 30 de xaneiro aquí vos deixo uns enlaces moi interesantes:

DÍA ESCOLAR POLA PAZ

O SEMINARIO GALEGO DE EDUCACIÓN PARA A PAZ ten entre os seus obxectivos promover a Educación para a Paz a través de actividades, recursos e ligazóns. Neste enlace poderás acceder a súa páxina.

2012 ANO CELSO EMILIO FERREIRO

Hai cen anos nacía en Celanova o gran poeta galego CELSO EMILIO FERREIRO (4 de xaneiro do 1912). Este ano con motivo do seu centenario o Parlamento galego declarou o 2012 como ANO CELSO EMILIO FERREIRO con actividades e celebracións especiais dedicadas a conmemorar a figura do escritor. Para máis información preme na imaxe. 

LONGA NOITE DE PEDRA

O teito é de pedra

De pedra son os muros

i as tebras.

De pedra o chan

i as reixas.

as portas,

as cadeas,

o aire,

as fenestras,

as olladas,

son de pedra.

Os corazóns dos homes

que ao lonxe espreitan,

feitos están

tamén

de pedra.

I eu, morrendo 

nesta longa noite

de pedra.

O MÁIS DO 2011

Estas son as GUÍAS DE RECOMENDACIÓNS propostas en decembro do 2011 polo Centro Internacional do Libro Infantil e Xuvenil de Salamanca da Fundación Germán Sánchez Ruipérez, onde se ofrecen porpostas de lectura para o público infantil e xuvenil en diferentes formatos e soportes.

OBRADOIROS NADAL 2011

Como ven sendo habitual o último día de clase celebramos os Obradoiros de Nadal con distintas actividades levadas a cabo polos mestres e mestras especialistas do centro e coa colaboración de algúns PAIS E NAIS do noso alumnado que participaron con dous obradorios plásticos no 1º e no 2º ciclo. Tamén contamos co MAGO RAMÓN que coma sempre deixou a tod@s coa boca aberta cos seus trucos de maxia. Ademais a auxiliar de conversa Laura axudada pola súa curmá Zoe estiveron ao frente dun obradoiro plurilingue no que elaboraron CRACKERS. A todos eles lles damos as grazas pola súa dedicación e sobre todo por facernos pasar un tempo tan divertido.

III CONCURSO DE LITERATURA MARIÑEIRA MARUSÍA DE BUEU 2011

Vense de celebrar o Concurso de Literatura Mariñeira coa participación dos centros escolares da zona. No noso cole resultamos gañadores co  1º Premio na categoría de Infantil con este precioso traballo dos nenos e nenas de 3 anos titulado "O tiburón Pepón"

No primeiro ciclo tamén obtivemos un 1º premio, esta vez foron os rapaces e rapazas de 2ºA coa súa "Pequena ollada cara o mar de Bueu"

Dentro da categoría de Traballos de investigación sobre o Mar na Ría de Bueu obtivo o 1º Premio unha alumna de 3º B Inés Hermo Sanmartín co seu traballo sobre as "Artes de Pesca" 

Se queredes saber algo máis sobre este concurso podedes acceder á páxina de BUEU INFORMA premendo na imaxe.

NORABOA A TODOS OS GAÑADORES E GAÑADORAS E BOAS FESTAS DE NADAL .