DÍA DA PAZ

Hoxe celébrase o Día da Paz. Nós xa o festexamos onte no cole, despois do recreo. Saímos tod@s ao patio. Primeiro, por cursos fomos lendo algunha das noticias, palabras e mensaxes que estivemos recollendo e elaborando ao longo de todo o mes. 

Despois cantamos e bailamos dúas cancións, unha en galego : Baile da Paz de Mamá Cabra ; e unha en inglés : Kid´s  peace song. 

Para rematar a celebración soltamos dúas pombas.

ANIMACIÓN Á LECTURA

Pero isto non foi todo. Durante  o mes de xaneiro levamos a cabo unha actividade de animación á lectura relacionada con esta data : O homiño de papel.

Todo comezou un día que chegamos ao Bibliocastelo e atopamos unha caixa verde na alfombra.

Abrímola con moita ilusión! O primeiro que atopamos foi unha carta da nosa mascota, Papirus. Nela explícanos  que esta caixa é o seu agasallo. Pídenos que axudemos ao homiño de papel.

Dentro da caixa, tal como nos conta Papirus na carta,  había un libro que narra a historia dun homiño que atopou viaxando polo espazo. Este é o libro:



Tamén había un homiño branco!!!

Lemos o libro, gustounos moitísimo! Decidimos axudalo, tal como nos pedía . Entón, ao longo de todo o mes  adicámonos a recoller noticias que falasen de solidaridade, de axuda aos demais ... Tamén escribimos palabras fermosas de cores, mensaxes de Paz e con todo isto enchemos ao homiño de papel, para que así se sentise de novo feliz. Todo este traballo, no que participou todo o cole, plasmámolo nun mural que colocamos na entrada do mesmo.  

Algúns titulares das noticias recompiladas :
" Un corte de pelo solidario"
"Escolares e enfermos de Alzheimer comparten lembranzas no MARCO"
"Máis de dous millóns de heroes doan sangue en España"
"Nace na Estación Internacional a primeira flor cultivada no espazo"

Realizamos un gran traballo do que nos sentimos moi orgullosos. En agradacemento, o homiño fíxonos un agasallo, deixounos mirar dentro da caixa verde. Agardábanos unha sorpresa, había alguén moi, pero que moi importante. A persoa máis valiosa e importante do mundo. Sabedes quen é? Ollade as fotos !!    

Xa sabedes quen é, non si? A persoa máis importante do mundo e de todo o Universo, é cada un de nós. O homiño ensinounos unha fermosa lección de amor e paz :

Para poder amar, respectar e valorar aos demais, primeiro temos que querernos e aceptarnos a nós mesmos. TODOS SOMOS IGUAL DE IMPORTANTES!! 

OBRADOIROS DE NADAL 2015

Como xa vén sendo habitual, o último día de cole do ano, celebramos os  Obradoiros de Nadal. Houbo para todos os gustos : plástico, musical, decorativo, recreativo, plurilingüe e ata espacial. No Bibliocastelo levouse a cabo este último, relacionado co noso   proxecto, UN UNIVERSO DE LIBROS e foi sobre as constelacións, para o alumnado do 2º  ciclo.  Desenvolveuse en varias fases.

 Primeiro, tumbados na alfombra escoitamos as historias ou lendas sobre dúas das constelacións que decoran o ceo da nosa biblioteca, Orión e Pegaso. Aprendemos moitas cousas!!

Logo reproducimos nun anaco de cartolina negra a que máis nos gustou.

Por  último , representamos co corpo e coa axuda de cordas algunhas destas constelacións. Na imaxe superior,  A cruz do sur.  Na imaxe inferior, Orión.

Pasámolo xenial!!! Se queres ver máis fotos deste obradoiro preme na seguinte imaxe.



XOSÉ NEIRA VILAS

Hoxe, 5 de xaneiro, cúmprense 55 anos da publicación de Memorias dun neno labrego  do escritor Xosé Neira Vilas, falecido o pasado mes de novembro.
 

 

É o libro en lingua galega máis reeditado e traducido e tamén un dos máis estudados e escenificados. Este volumen editouse por primeira vez, na cidade de Bos Aires, por Follas Novas, unha editorial creada polo propio Neira Vilas e pola súa muller, co propósito de difundir, dende a diáspora, o libro galego. Por iso, hoxe, a Real Academia Galega celebra este acontecemento, xa que considera que o 5 de xaneiro de 1961 é un día grande na historia editorial de Galicia, porque foi entonces cando se publicou o relato que constitúe un fito na narrativa galega do século XX. 

Para obter máis información , preme na imaxe.   

 

 



Ademais a Consellería de Cultura da Xunta de Galicia ten previsto darlle o nome de Xosé Neira Vilas ao Auditorio da Biblioteca e o Arquivo de Galicia da Cidade da Cultura. 

XA CHEGOU O NADAL!

Dende o Bibliocastelo queremos desexar a toda a comunidade educativa un Bo Nadal e unhas Felices Festas. Para iso confeccionamos entre todas e todos esta fermosa postal que decora a entrada do cole.

Para elexir o lema que preside a postal, convocouse un concurso no que podían participar todas as familias. Tratouse dun gran reto, pois tiña que reflectir  a solidaridade coa xente que está a sufrir o terrible problema da emigración e ademáis tiña que facer referencia o proxecto deste ano, o Universo. Estamos moi satisfeitos co resultado acadado e queremos agradecer a participación de todos e todas que colaborastes nesta actividade.

O lema elexido foi o de Andrea Rial de 3º B :

"Por un Universo onde o Sol quente a todos por igual".

Parabéns a Andrea e a súa familia.

A elección non foi fácil, xa que había moitos lemas que recollían moi ben os requisitos esixidos. Por iso escollemos algúns deles para decorar o Bibliocastelo. Así enchemos a biblioteca de estrelas con fermosos desexos navideños. 

 

  

Se queres ler todos os lemas, e ademáis consultar recursos e actividades para o Nadal, preme na seguinte imaxe.  



NOVEMBRO. MES DA CIENCIA EN GALEGO

O pasado mes de novembro celebramos no Bibliocastelo o Mes da Ciencia en Galego. Co gallo desta celebración colocamos un expositor con libros científicos escritos en galego.

Ademais levamos a cabo diversos experimentos e traballos de investigación, relacionados co proxecto deste curso. Así os nenos e nenas de primeiro comprobaron os movementos de rotación e traslación da Terra e da Lúa.

 

Investigaron  sobre as fases da Lúa.

Comprobaron nunha caixa que fixeron con cartón as diferentes fases da Lúa.

Logo, con toda a información obtida cubriron unha ficha.

Ademais en diferentes  cursos, realizaáronse traballos de investigación de temática moi diversa, empregando a biblioteca como principal fonte de información. Por exemplo, os alumnos e alumnas de  cuarto investigaron a cerca das enfermidades.

Preme na imaxe para obter máis información desta actividade.  

                         

 

 Os nenos e nenas de segundo, experimentaron cos sentidos. Preme na imaxe para saber máis da actividade. 

 

CULTURGAL

Esta fin de semana (4, 5 e 6 de decembro) celébrase no Pazo da Cultura de Pontevedra, CULTURGAL, unha feira cultural na que os nenos e nenas son os grandes protagonistas. Este ano, haberá moita música, teatro, danza, libros e ciencia e  ademáis un espazo permanente para xogos e xoguetes tradicionais. Os máis cativos (entre cero e catro anos) poderán pasar un anaco divertido nunha BEBETECA (en forma de bosque dos sentidos) , un espazo multisensorial no que poderán explorar a través do tacto, vista . . .  

A entrada para menores de tres anos é gratuita , para os menores de doce anos custa un euro e para os adultos , dous euros.
 

 

Para consultar o programa e obter información, preme na imaxe.