PAPIRUS E O DÍA DAS BIBLIOTECAS ESCOLARES

O día 24 de outubro foi o DÍA DAS BIBLIOTECAS ESCOLARES  e dentro das actividades programadas festexamos o Aniversario da nosa mascota. PAPIRUS veunos visitar e contounos que antes de chegar á nosa biblioteca vivía nun castelo feito de rochas negras que estaba no fondo do mar. 
Falounos  dos seus amigos e amigas: o choco, a lura e como non, a Meiga Cocorola. 
Pero o que máis lle gusta son os libros e o seu cheiriño a aventuras, a imaxinación e a diversión. Encántalle vivir aquí pero cando chega o verán abúrrese moito porque queda só. Por iso o pasado mes de xullo puxo rumbo ao leste e chegou ata  Turquía, onde visitou moitos lugares que nos amosou en fotos e fixo moitos amiguiños e amiguiñas.

ANIVERSARIO PAPIRUS - diapositivas

OS BOLECHAS QUEREN SABER COMO É UNHA BIBLIOTECA

No Ceip Curros Enríquez de Celanova celebraron o Día das Bibliotecas Escolares preparando este conto dos Bolechas. Grazas por compartilo con todos nos.

POLO SAMAÍN LIBROS SEN FIN

Non deixes de vir pola biblioteca e neste expositor atoparás libros de medo, de pantasmas, de bruxas, de monstros, historias de intriga e aventuras de misterio.

O terror e a emoción están servidos!!!

UN SAMAÍN DE CONXUROS

Se te queres divertir, neste Samaín

intenta facer este LIM.

Boa sorte e que os diaños, 

bruxas e curuxas te acompañen.

PREME NA IMAXE

E para os máis pequeniños

tamén temos un traballiño.

A ver se son quen

de facelo ben.

PREME NA IMAXE

EMPEZA A VIAXE DAS MOCHILAS VIAXEIRAS

Un ano máis empezan a percorrer o seu camiño as MOCHILAS VIAXEIRAS cargadas de ilusións e bos libros.

Dende o Bibliocastelo A Pedra desexámosvos a todas as familias do noso alumnado un bo comezo de curso e esperamos, dentro das nosas posibilidades, axudarvos a espallar entre os vosos fillos e fillas o gusto pola lectura.

MOCHILAS VIAXEIRAS X

“Gústame ler porque aprendo un montón de cousas. Métome no libro e sinto como se eu mesma fose a protagonista. É guai.”

MOITAS GRAZAS, FAMILIAS, POLA VOSA COLABORACIÓN E ATA MOI PRONTO!

MOCHILAS VIAXEIRAS IX

 “Gústame a idea de que os nen@s vaian á biblioteca e escollan os libros que queren ler pois aprenden a desenvolverse por si mesmos no mundo e aprenden o respecto pola propiedade privada, coidando as películas e os libros que non lles pertencen; así como comparten os seus gustos e opinións sobre o que leron.”

MOCHILAS VIAXEIRAS VIII

“Fedor Dostoyevsky, prisionero en Siberia alejado del mundo, entre cuatro paredes y cercado por desoladas llanuras de nieve infinita, pedía socorro por carta a su lejana familia y solo decía: ¡Enviadme libros, libros, muchos libros para que mi alma no muera! Tenía frío y no pedía fuego; tenía sed y no pedía agua; Pedía LIBROS es decir, horizontes , es decir escaleras para subir a la cumbre del espíritu y del corazón. Porque la agonía física dura poco pero la agonia del alma insatisfecha dura toda la vida”

MOCHILAS VIAXEIRAS VII

 “A min encántame ler por iso o recomendo para calquera idade e momento, en familia ou individual, o importante é disfrutar do que les e prestarlle tempo e atención.”

MOCHILAS VIAXEIRAS VI

 “Gústame a mochila  viaxeira. Ler e escribir é parte da miña vida xa que o fago habitualmente. Cando non sei que facer, collo un libro e zas! O devoro!
”

MOCHILAS VIAXEIRAS V

“En certa ocasión Federico García Lorca dixo: ¡Libros! ¡Libros! He aquí una palabra mágica que equivale a decir “Amor, Amor” y que debian los pueblos pedir como piden  o anhelan la lluvia para sus sementeras.”

“O mellor premio que pode ter a nosa biblioteca é que aos nosos fillos lles guste a lectura”

“Por que debemos ler? Un mundo maravilloso ábrese ante os ollos de pequenos e grandes e despértanos unha curiosidade sen límites. Probadeo".

MOCHILAS VIAXEIRAS IV

“Grazas un ano máis por invitarnos a disfrutar en familias desta variada selecciónde libros: inglés, música, cociña, coñecemento do medio. Nós xa acostumamos a facelo diariamente pero tamén notamos que é diferente cando este material chega dende o colexio. A nena síntese máis motivada e disfrutaos como algo moi importante. Esperamos que a mochila volte o ano que ven á nosa casa. Un saúdo para todos e moitos parabéns ao equipo de biblioteca.”

“Moitas grazas por axudarnos a vivir aínda máis o pracer da lectura”

“Gústame a mochila  viaxeira. Ler e escribir é parte da miña vida xa que o fago habitualmente. Cando non sei que facer, collo un libro e zas! O devoro!”

MOCHILAS VIAXEIRAS III

“O mellor da Mochila Viaxeira para min é o seu efecto: compartir momentos os catro xuntos, arredor de algo tan sinxelo coma un libro que nos fai ler, falar, pensar e divertirnos.”

 "Os libros son o mellor regalo”

“É estupendo que se fomente a lectura dende tan pequeniños para que non esquezan  que un libro é un mundo maravilloso que hai que descobrer, páxina a páxina”

"Mi hijo es feliz leyendo y disfruta con ello”

“Todos os libros nos gustaron e o mellor é dedicarlle uns minutos de lectura en familia”

MOCHILAS VIAXEIRAS II

“Gustoume moito a iniciativa de fomentar a lectura e o respecto aos libros e gustaríame animar a outros pais a que leven aos nenos as bibliotecas. Eu descubrín fai pouco á de Beluso e pasamos ratos moi divertidos. Traemos moito contos, que hai que coidar, para casa. Anímovos aos que non a coñezades que vaiades."

“Un ano máis puidemos gozar en familia coa mochila viaxeira. Tendo en conta a sociedade na que vivimos, na que as veces o tempo é moi escaso, ese ratiño que pasamos en familia e participando nunha actividade do seu cole é moi gratificante para ambos. Grazas MOCHILA VIAXEIRA por facernos pasar bos momentos e contarnos tantos contos.”

“Valoro moitísimo o traballo que se está facendo desde o cole non só coas mochilas viaxeiras ou os libros que se traen a casa senón en conxunto (grazas a todos os profes que fan posible que a biblioteca estea aberta polas tardes), intentando que os nenos incorporen os libros a súa vida como algo habitual, e que a lectura se converta para eles nunha forma 

de ocio e non nunha obriga.”

MOITAS GRAZAS FAMILIAS!!!