venres, 24 de febreiro de 2012

MULLERES NA HISTORIA: ROSALÍA DE CASTRO

Foron libres, independentes e avanzadas para a época que lles tocou vivir. As súas vidas teñen un denominador común , loitaron para conseguir o que querían. Esta serie documental da TVE céntrase en varias heroínas, neste caso a escollida e a nosa gran poetisa galega Rosalía de Castro. Preme na imaxe.

mércores, 22 de febreiro de 2012

ROSALÍA POESÍA E MÚSICA









24 DE FEBREIRO DÍA DE ROSALÍA DE CASTRO

No calendario do libro e da lectura, aprobado no seo do Consello Asesor do Libro, o próximo 24 de febreiro  está contemplado como o DÍA DE ROSALÍA .  Para coñecela un pouco mellor poñemos a vosa disposición este  documento, onde ademáis da súa vida poderedes ler algúns dos seus poemas.
"Fráxil e profunda, sombra e luz, Rosalía de Castro transitou pola vida, con palabras, xa de revelación, xa de misterio, por camiños sempre adversos" FUNDACIÓN ROSALÍA DE CASTRO



POESÍA E MÚSICA

Dende a Biblioteca do IES Ponte San Paio chéganos esta pequena selección de poemas e música.

luns, 20 de febreiro de 2012

SALÓN DO LIBRO DE PONTEVEDRA


Está a piques de comenzar a 12+1 EDICIÓN DO SALÓN DO LIBRO de Pontevedra do 4 ao 31 de marzo. Este ano o tema escollido son AS SUPERSTICIÓNS e a súa relación  coa Literatura Infantil. 
O autor homenaxeado é o lucense PACO MARTÍN escritor e mestre, autor de libros tan coñecidos como "Das cousas de Ramón Lamote" ou "Sabeliña e os ratos" entre moitos máis.

domingo, 19 de febreiro de 2012

PASARRÚAS MEDIEVAL

Como todos os anos o Ceip Plurilingüe A Pedra sae as rúas de Bueu para celebrar o ENTROIDO, neste caso MEDIEVAL. Pero non todo foi troula tamén INVESTIGAMOS E APRENDEMOS con Papirus como era a vida nesa época:  a sociedade, onde vivían e como vivían, quen eran os nobres e os plebeos, como era a cerimonia de "ordenarse cabaleiro", a vida nos castelos e as súas partes . 
 Os máis pequenos fixeron o seu PROPIO CASTELO para despois visitar UN DE VERDADE, viron unha PELÍCULA, recibiron unha carta do MAGO MERLÍN e moitos AGASALLOS .

venres, 17 de febreiro de 2012

O FARO DA PEDRA

O Equipo de Orientación do cole ven de estrear o seu blog O FARO DA PEDRA que pon ao servizo de toda a Comunidade Educativa. Pouco a pouco irase enchendo de recursos e experiencias que esperamos nos axudarán na difícil tarefa de educar ao noso alumnado. Aquí vos deixo o enlace que tamén podedes atopar no lateral dereito, no apartado OS NOSOS BLOGS.

luns, 13 de febreiro de 2012

FALECE GERMÁN SÁNCHEZ RUIPÉREZ

O 12 de febreiro falecía aos 85 anos de idade, Germán Sánchez Ruipérez. Era un home que estaba moi ligado ao mundo da educación, da cultura e da literatura. Foi o fundador da Fundación que leva o seu nome  e que se coñece coas siglas FGSR dedicada á difusión e extensión da lectura e do libro. Para saber máis desta mala nova preme na imaxe.

domingo, 12 de febreiro de 2012

BOAS NOVAS CADA DÍA


Este ano decidimos celebrar a PAZ buscándoa ao noso redor por iso o corredor da entrada do cole encheuse de BOAS NOVAS que os rapaces e rapazas escolleron nos distintos xornais. Non foi un traballo fácil, xa que as boas novas escasean e ademais o noso alumnado tivo que refacelas, contándoas coas súas propias palabras e facendo un debuxo ou recortando unha foto para ilustrala.
Aquí vos deixo algunhas pero se queredes ver máis, achegádevos ao cole. 






xoves, 9 de febreiro de 2012

GONZALO MOURE NO BIBLIOCASTELO

Onte tivemos o gran pracer de recibir no Bibliocastelo a Gonzalo Moure. Foi unha conversa moi agradable. É marabilloso como sabe chegar, non só aos rapaces e rapazas, senón tamén aos adultos, Tod@s gozamos moitísimo da súa presenza e aprendemos moitas cousas.
Os nenos e nenas fixéronlle numerosas preguntas, ás que contestou con moito agarimo.
Así descubrimos que lle encanta a súa profesión porque di que "é o traballo máis bonito do mundo. Ser libre, escribir do que eu quero é algo impagable". Desde neno escribir lle parecía que era facer maxia: "Nun bolígrafo está o conto máis bonito do mundo"
Agora sabemos que leva escritos máis de 40 libros e que o seu preferido é "PALABRAS DE CARAMELO" porque está escrito dende o corazón.
Tamén nos falou dos libros que estiveron lendo os nosos nenos e nenas, así de "CUENTO Y CAMA" nos contou que se inspirou nunha nena que chorando lle contaba como desde que aprendera a ler. botaba de menos cando súa nai se metía na cama con ela e lle contaba un conto.
Para escribir "LOS CABALLOS DE MI TÍO" inspirouse nos seus propios cabalos que lle ensinaron moitas cousas que non sabía e aprendeu con eles! outra maneira de mirar á vida.
Falounos do libro que está escribindo agora mesmo "EL ANIMAL DE MIS ANIMALES, SOY YO" porque el coida e xoga cos seus animais pero eles tamén xogan con el e o coidan. 
É a segunda vez que temos a sorte de contar coa presenza de Gonzalo Moure no noso cole e xa estamos desexando que volva pronto porque nos encanta escoitalo.




MOITAS GRAZAS GONZALO 
POR ESTES MOMENTOS  TAN MARABILLOSOS!!!

sábado, 4 de febreiro de 2012

PRÓXIMA VISITA NO BIBLIOCASTELO

Estamos impacientes agardando a VISITA DE GONZALO MOURE prevista para o mércores día 8 de xaneiro. É a segunda vez que visita o noso Bibliocastelo e como xa o coñecemos sabemos que os rapaces e rapazas do 2º ciclo van gozar moito coa súa presenza.
Polo de agora xa o están pasando ben cos seus libros:

Os alumn@s de 3º están a ler CAMA Y CUENTO, a súa protagonista, Malva, xa é maior pero non quere perder o momento máxico no que a súa nai lle le contos pola noite antes de durmir. Unha historia preciosa para nais/pais e fill@s.


Os nen@s de 4º están a ler LOS CABALLOS DE MI TÍO. Darío, un neno de cidade que ten 10 anos vai veranear á finca dos seus tíos en Asturias. Alí coñecerá a Gioconda e Leonardo, dous cabalos aos que coidará e aprenderá a tratar,  descubrindo que os animais teñen sentimentos e necesitan afecto.


Para saber máis accede ao noso CADERNO DE VISITAS

mércores, 1 de febreiro de 2012

SI QUE CHE GUSTA LER

O Ministerio de Educación, Cultura e Deporte vén de presentar unha campaña de lectura dirixida a mozos e mozas de 14 a 18 anos. Preme na imaxe e xoga.

UN ENTROIDO MEDIEVAL

Este ano o Ceip A Pedra vai volver atrás no tempo, viaxaremos ata a IDADE MEDIA e coñeceremos a época dos cabaleiros e dos señores feudais. Aprenderemos quenes e como eran os habitantes dos castelos e investigaremos como era a sociedade daquela época.
E cando chegue o Entroido sairemos polas rúas de Bueu cos nosos fermosos traxes medievais.
Para que  cheguedes a ser uns expertos en cuestións do medievo, empezaremos por visitar un castelo medieval pero non é un castelo calquera, preme na imaxe e xa verás...

WEBQUEST 2º E 3º CICLO
WEBQUEST SERVOS E VASALLOS

Agora imos ver un video moi interesante sobre os castillos medievais.


Ímonos divertir un pouco, ti sabes como e a que xogaban naquela época?

WEBQUEST: XOGOS NA IDADE MEDIA
WEBQUEST 5º PRIMARIA












WEBQUEST  INFANTIL E  1º CICLO





Entra nun castelo medieval premendo AQUÍ 


PROXECTO MEDIEVAL para traballar cos rapaces e rapazas de Educación infantil 



Segue a Martín no seu percorrido pola Idade Media





Os nenos e nenas de INFANTIL DE 3 ANOS estiveron facendo un precioso castelo na súa aula como se pode ver neste video

DÍA DA PAZ

O luns 30 de xaneiro, celebramos no patio do cole de Primaria, , o DÍA DA PAZ.
Nenos e nenas dos distintos cursos leron algunhas das  boas noticias que están expostas no mural da entrada do cole.
Todos xunt@s cantamos a canción de Louis Armstrong, WHAT A WONDERFUL WORLD, que preparamos nas aulas e démonos apertas de Paz, coa RUMBA DAS APERTAS.
Para rematar soltamos as pombas que voaron libres mentras tod@s nos aplaudiamos.