mércores, 30 de marzo de 2022

PACO NOGUEIRAS VISITA A PEDRA

 O 30 de maio Paco Nogueiras visitou ao alumnado de infantil. Chegou co seu acordeón e unha maleta chea de libros e marabillosas historias que contar. 

PREME NA IMAXE

Cantamos, contamos e fixemos ritmos. Houbo moita diversión, foi unha visita máxica.

PREME NA IMAXE


sábado, 26 de marzo de 2022

ANA ALONSO VOLVE AO BIBLIOCASTELO

O venres 25 de marzo tivemos o pracer de recibir no Bibliocastelo á unha das nosas escritoras favoritas: Ana Alonso. 

Este trimestre, o alumnado de 3º de primaria leu o seu libro MISIÓN TIERRA 5. Encantoulles!!!

 


E o alumnado de 4º de primaria o libro de poemas: OLOR A MAR, SABOR A CHOCOLATE que lles gustou motisimo! 

Contounos moitas anécdotas de cando era nena. Díxonos que sempre lle gustou ler e que a súa casa estaba chea de libros. Cando tiña, máis ou menos a nosa idade empezou a escribir poesía. Era unha nena moi tímida e escribir permitíalle desfogar todas as súas emocións. Escribía para ela, ata que un día se atreveu a presentarse a un concurso e gañou. Iso doulle seguridade en si mesma. 

Na actualidade leva escrito máis de 200 libros... 

 Ana, leunos algún dos seus poemas, pero cando se enterou que nós tamén recitabamos e que fixeramos un recital de poesía pediunos que foramos nós quen llo fixeramos a ela.

 Asinou todos os libros, incluído os dous libros que fixemos despois de ler o libro. Gustounos moito a súa visita e quen sabe, ao mellor temos algún ou algunha futura escritora! Porque o que sí xa temos é ARTISTAS!

 


MOITAS GRAZAS ANA!!!

 
 


mércores, 23 de marzo de 2022

BÚSCASE A TALENTO

 Ola amiguiñxs:

Hoxe a rapazada de 3ºA acompañou ao seu compañeiro Goro Couso García á Deputación Provincial de Pontevedra a recoller un premio. 







Ademais dos seus compañeiros e compañeiras, Goro tamén estivo acompañado pola súa familia.



  Foi un dos tres premiados no concurso Búscase a talento.



Este concurso foi organizado pola Deputación de Pontevedra para o alumnado de 3º e 4º de primaria para promover o xoguete igualitario. Consistiu en crear unha máscara, un personaxe divertido, creativo, orixinal, libre..., cos materiais que aportaban. Podíase empregar calquera técnica artística. Cabe sinalar, que o traballo gañador de Iria Portabales do CEIP Virxe do Rocío de Vigo, vai ser o protagonista dun conto infantil, que vai escribir Ledicia Costas. De feito, un dos mellores momentos da gala, foi cando a propia escritora apareceu na pantalla para comunicar que ela escribirá o conto co Talento gañador como protagonista. Estou desexando ler o conto que vai escribir Ledicia. Seguro que é fantástico como todo o que ela escribe!


Ollade os traballos gañadores!


Chulísimos, non si? Uns traballos moi orixinais!!! Noraboa a todos e todas que participaron e sobre todo a Goro polo premio e pola fantástica máscara que realizou. Se queredes saber máis, premede na seguinte imaxe!


Un dos agasallos que recibiu o centro foi unha actuación do grupo MIGALLAS que estivo no cole co alumnado de 3º,  o 10 de maio.
 
Biquiños

 

luns, 21 de marzo de 2022

DÍA DA POESÍA

 Ola amiguiñxs:

Hoxe é unha día moi importante, é o Día da Poesía. Para conmemorar esta data tan especial a miña casa, o Bibliocastelo encheuse de libros cargadiños de poemas. A rapazada de 4º estivo lendo un fermoso libro de poesía de Ana Alonso titulado "Olor a mar, sabor a chocolate". Logo realizaron un recital de poesía, na radio, con algúns poemas do libro. Escoitade o ben que o fixeron!

Noraboa por este fantástico recital!

O venres recibirán a visita de Ana Alonso. Que ben!

Xa vos contarei que tal foi a visita.

Biquiños



sábado, 19 de marzo de 2022

RECORDOS DA ESCOLA

Seguimos celebrando o 50 aniversario con visitas de persoas vinculadas dalgunha maneira á nosa escola. Nesta ocasión o alumnado de 6º tivo unha charla moi especial con Martín Calviño que ademais de ser o pai de María estudou nesta escola fai xa uns cuantos anos. 

 Se alguén coñece moi ben o noso cole é el porque a día de hoxe e dende hai máis de 10 anos segue formando parte del como persoal non docente.

 

Contounos moitas anédotas da súa vida escolar e ata nos trouxo documentación daquela época: boletíns de notas, diplomas, libros, fotos...


sábado, 12 de marzo de 2022

ENTROIDO 2022

 Este curso celebramos o entroido dunha maneira diferente a como facíamos sempre, pero polo menos nesta ocasión si que houbo festa e troula.

 Nas aulas fixéronse traballos de investigación, actividades plásticas e cantigas de entroido como se pode ver nas ligazóns que hai nas imaxes.

E non podía faltar o tradicional MANDADIÑO acumulativo que nos fixo vir ao colexio cada día cun accesorio ou roupa determinada.

2º PRIMARIA



martes, 8 de marzo de 2022

8 DE MARZO: ENTREVISTAS RADIOFÓNICAS A MULLERES IMPORTANTES DO NOSO COLE

Ola amiguiñxs:

Hoxe é o Día da Muller Traballadora e para celebralo a rapazada de 4º entrevistou na radio a unhas mulleres moi especiais para nós. Son mulleres importantes que pasaron polo noso cole ao longo destes 50 anos. Son mulleres loitadoras, bravas e valentes. Tres mestras: Esther Lois, que foi directora durante varios anos do cole, Carmen Rogel e Rosa Blanco, que foi profe do alumnado de 4ºA cando estiveron en 1º e 2º de Primaria. Escoitade os seguintes podcasts con moita atención. Espero que vos gusten tanto como me gustaron a min.

  

Xenial! Moitas grazas por compartir con nós tantas vivenzas.
Tamén entrevistaron a tres exalumnas: María, Lara e Cris, que lembraron con moito cariño o seu paso polo cole. Escoitade con atención!

Moitísimas grazas, rapazas! Foi un pracer vervos! Non esquezades que este será sempre o voso cole e estaremos encantadxs de que veñades a visitarnos sempre que queirades. 

Biquiños