venres, 21 de febreiro de 2020

ENTRA NA ONDA DO ENTROIDO

Co gallo do proxecto que estamos a traballar, este ano celebramos un Entroido radiofónico. Para confeccionar os disfraces non empregamos bolsas de plástico, pois estamos moi concienzados do nocivo que é este material para ao noso planeta. Entón tivemos que botar man da imaxinación e da axuda das familias, que coma sempre nos axudaron a levar a diante esta celebración.
Os cativos e cativas de educación infantil disfrazáronse de Paco Nogueiras e a súa Radio Bule Bule.


Os de primeiro e segundo ían vestidos e vestidas de músicos de orquestra.


Os rapaces e rapazas de terceiro e cuarto disfrazáronse do grupo ABBA 


E a rapazada de quinto e sexto converteuse en profesionais da radio: locutores, reporteiras...


E por suposto, non podía faltar a nosa mascota Papirus que ía de locutor de radio nunha chulísima carroza que confeccionaron as familias.



Así despois de varias semanas de duro traballo por fin saímos a rúa. Inundamos a vila de colorido, música, ledicia e bo humor. Previamente enviamos un díptico ás familias para informarlles do pasarrúas.
                  

                  
O percorrido foi ata a Praza Massó onde nos reunimos todos para cantar por ciclos as cantigas que estivemos preparando nas aulas. Ollade as letras e vede os vídeos!
                                               



















Cantar abriunos o apetito e con moita fame voltamos para o colexio para degustar as delicias típicas do Entroido (orellas, filloas...) que nos estaban agardando.
Ollade o seguinte vídeo no que se amosa un resumo en imaxes deste divertido día.



Pasámolo xenial!

martes, 11 de febreiro de 2020

A RADIO DENDE DENTRO!

Como xa sabedes este curso estamos traballando o fascinante mundo da radio. Os traniños e trasniñas están traballando arreo neste proxecto . Hai uns días tiveron a sorte de visitar unha emisora para vivir a radio dende dentro. Foron aos estudos de Radio Voz en Vigo. Foi unha experiencia  incríbel!! Ata saíron nun programa en directo. Ollade e escoitade premendo na seguinte imaxe!


xoves, 6 de febreiro de 2020

VISITA ESPECIAL

Hoxe recibimos no Bibliocastelo unha vista moi especial. Viñeron coñecer a nosa biblio e pasar un anaquiño de tempo con nós, os rapaces e rapazas do CEEPR  Amicos de Oleiros ( Ribeira).
Fixeron de anfitrións os nenos e nenas de terceiro. Ensináronlles a nosa biblioteca e os diferentes recantos que a forman. 













Ademais de compartir xogos e actividades, tamén compartiron lecturas. 





Regaláronnos un fermoso cadro dunha árbore que representa as catro estacións que eles mesmos fixeron e que agora decora o noso bibliocastelo. Moitísimas grazas!




Despedímolos cantándolles a canción de Papirus, a nosa benquerida mascota.



Foi unha xornada de convivencia moi enriquecedora e inesquecíbel! 



mércores, 5 de febreiro de 2020

RADIOAFECCIONADOS



Hoxe visitaron o Bibliocastelo Pablo e José, dous radioafeccionados pertencentes a URE (Unión de Radioafeccionados Españois) Rías Baixas para falarnos do incríbel mundo da radio. Comentáronnos as vantaxes que ten este importante medio de comunicación :
- É a primeira rede social.
- É unha maneira de relacionarse as persoas e de facer amizades.
- É a forma máis básica e fundamental de comunicación. O primeiro sistema que se activa en caso de catástrofe é a través da radio mediante un SOS.
- É unha ferramenta imprescindible sobre todo en situacións difíciles (guerras, furacáns...), xa que é un medio que nunca falla. Nesas situacións todas as canles de comunicación desaparecen, xa que se ven afectadas, agás a radio.
Ensináronnos diferntes maneiras de comunicarse a través da radio: Morse, voz...
Tamén nos dixeron que España é unha potencia neste  campo, xa que ten o maior número de licenzas de radioafeccionados. Ademais nos explicaron o significado dos distintivos de cada país e zona e o código fonético a nivel internacional. 












Faláronnos dunha competición mundial, un concurso que organizan os ingleses e que se chama IOTA ISLAND ON THE AIR. Celébrase a última fin de semana de xullo. Fórmanse equipos de operadores que teñen que acadar o maior número de comunicacións tanto en Morse como en voz. Gaña o equipo que acade máis contactos e máis quilómetros de distancia. Tamén hai outros parámetros que tamén puntúan, o que máis puntos dá é contactar con illas. Así o URE Rías Baixas gañou este mundial no 2019 emitindo dende o faro da Illa de Ons. Estiveron emitindo toda a fin de semana. Noraboa por este importantísimo premio!



Moitísimas grazas, Pablo e José por compartir con todos nós os vosos coñecementos. Foi unha experiencia moi enriquecedora e interesante ! 

luns, 3 de febreiro de 2020

DÍA DA PAZ


O mural da entrada do colexio aparece de novo esta semana renovado. Agora semella unha enorme radio con dous impresionantes altofalantes nos laterais das que saen notas musicais. 
De cada corchea sae unha estrofa dunha canción que trata temas relacionados coa PAZ. Cada aula do centro, dende os máis pequenos de E. Infantil ata os maiores de 6º de E. Primaria, elixiron un tema, que puxeron no círculo da súa nota musical. Aínda que algunhas están en castelán, francés  ou en inglés, facendo honra de cole plurilingüe, no mural todas as letras están traducidas ao galego.

·         4º A de E. Infantil: “Eu teño alguén” de María fumasa.
·         4º B de E. Infantil: “Arco da vella” de Doutor Apertas.
·         5º A de E. Infantil: “Todos somos capitáns” de Magín Blanco.
·         5º B de E. Infantil: “Baile da Paz” de Mamá Cabra.
·         6º A de E. Infantil: “De festa” de Uxía Lambona.
·         6º B de E. Infantil: “Día da Paz” de Pablo Díaz.
·         1º A de E. Primaria: “Bajo el mismo Sol” de Álvaro Soler.
·         1º B de E. Primaria: “Una receta de Paz” de Unai Quirós.
·         2º A de E. Primaria: “Que canten los niños” de Jose Luís Perales.
·         2º B de E. Primaria: ”Un mensaje al mundo” de Jorge Otamendi.
·         3º A de E. Primaria: “Friends will be friends” de Queen.
·         3º B de E. Primaria: “Que bonito es querer” de Manuel Carrasco.
·         4º A de E. Primaria: “Se buscan valientes” de Langui.
·         4º B de E. Primaria: “Paz y amor” de Gisela
·         5º A de E. Primaria: “No dudaría” de Antonio Flores.
·         5º B de E. Primaria: “De que che vale” de Jesús Pareja.
·         6º A de E. Primaria: “On écris sur le murs” de Kids United.
·         6º B de E. Primaria: “Imagine” de John Lennon.




      En todas as aulas preparouse a canción Cantarela para os nenos.  Trátase dunha fermosa poesía de Neira Vilas, versionada por moitos cantaautores galegos.  Nesta ocasión o alumnado interpretou a versión do grupo galego “Na Virada”. Para facela máis animada foi ensaiada cunha coreografía común co fin de cantala e bailala todos xuntos o día da Paz.>Nos días previos, en todas as aulas se elaboraron pombas da Paz.
    O día da Paz presentouse, como non, chuvioso, polo que o alumnado de E. Infantil non puido subir ao centro de Primaria e celebrárono no seu cole. Preme na seguinte imaxe!



     O alumnado de E. Primaria reuniuse no ximnasio levando nas súas mans as Pombas da Paz. Alí cada aula, agrupada en círculos, recitou o cantou a estrofa da canción que puxeron no mural.















Procedeuse logo a entrega dos premios do concurso de Selos. O gañador foi Cristian Abal Juncal de 5ºA. 


 Recibiu un prego con selos de curso legal que representan un bote polbeiro deseñado por el. Tamén recibiron unha mención especial os tres mellores selos de cada clase.















Noraboa!