martes, 28 de outubro de 2014

DÍA DAS BIBLIOTECAS ESCOLARES

O venres 24 de outubro recibimos no Bibliocastelo ao alumnado de infantil e primeiro ciclo. Todos eles/as viñan cargados de ilusión e agasallos para celebrar o Aniversario da nosa mascota, no Día das Bibliotecas Escolares. 
Papirus, que se atopa de viaxe de investigación polo mundo adiante, visitando museos e galerías de arte, deixounos unha mensaxe que todos escoitamos con moitísima atención.




Despois a profe Lina agasallounos cun conto precioso e MOI ARTÍSTICO: "AQUILES O PUNTIÑO". Unha historia ilustrada na que un sinxelo puntiño ía medrando e descubrindo o mundo: a chuvia,  as palabras, os aromas, os sabores, a música. Aquiles naceu dunha folla en branco e foise facendo a si mesmo pouco a pouco. 



O luns 27 de outubro foi o turno da rapazada de segundo e terceiro ciclo. Nesta ocasión contamos coa amable colaboración da profe Olalla que nos amosou o punto de mira de Miró, seguindo as peripecias de cinco salvaxes manchas de pintura, con moitas ganas de manchar. Foi un pracer escoitar da súa voz o conto "O CADRO MÁIS BONITO DO MUNDO" e retounos a atopar ao  noso artista e cadro favorito. 


Como en todas as festas tamén houbo música e felicitamos a Papirus entonando a súa canción.


E tampouco faltaron os agasallos...



E para rematar aquí vos deixo un video resumen coas imaxes desta xornada tan emocionante, divertida e sobre todo ARTÍSTICA.



Se queredes ver máis visitade estes enlaces:



domingo, 5 de outubro de 2014

PROXECTO "LerARTE"

Acabamos de por en marcha o noso proxecto para este curso baixo o lema "LerARTE". Con el pretendemos achegar o mundo da ARTE ao noso alumnado.
Xa temos o deseño do noso logo e  en breve abriremos unha exposición permanente (para todo o curso) de libros relacionados con esta temática no Bibliocastelo.



Como vimos facendo nos últimos anos e coa fin de recoller todas as actividades, iniciativas e novas que teñan que ver co proxecto, abrimos un novo blog. Podedes acceder a el a través do logo "LerARTE" que xa se atopa nun lateral do blog da biblioteca ou premendo na imaxe superior.