sábado, 29 de outubro de 2022

CELEBRACIÓN DO ANIVERSARIO DE PAPIRUS

 Benqueridos amiguiños e amiguiñas:

Antes de nada quero darvos as grazas polos agasallos e polas felicitacións que me enviastes polo meu aniversario.

Quedei en que ía amosarvos as fotos da celebración. Pois velaí van! Por certo, encantoume a actividade que fixestes no Bibliocastelo para festexar esta data tan importante para min. Un xogo de pistas: A caza do tesouro. Claro, vós xa sabiades que o tema do proxecto anual deste curso é o xogo e xa vos adiantastes. Gocei moito véndovos fedellar polos andeis na procura deses libros que agochaban a chave coa que abrir o tesouro. Espero que o pasarades ben.















Se queredes saber polo miúdo en que consistiu esta actividade, premede na seguinte imaxe!


Ademais a rapazada de 1º fixo outras actividades para festexar o meu aniversario. Premede na imaxe!
Encántanme todas as actividades que fixestes. Estou moi orgulloso de vós!

Biquiños



 



luns, 24 de outubro de 2022

24 OUTUBRO DÍA DAS BIBLIOTECAS ESCOLARES

 Hoxe é un día moi importante no BIBLIOCASTELO. 

Por unha banda é o DÍA DAS BIBLIOTECAS ESCOLARES e para celebralo a Dirección Xeral do Libro e Fomento da Lectura destaca este ano, o papel das bibliotecas como espazos libres e abertos baixo o lema "BiblioTEcuida"


 E ademáis é o meu ANIVERSARIO e por iso vos envio esta carta. Boteivos moito de menos este verán e me gustaría que me viñésedes visitar ao meu castelo.


 Agardo vervos moi pronto e xa vos irei amosando as fotos da celebración do meu aniversario.

Aquí vos deixo tamén un enlace para que vaiades practicando a miña canción: