ARRANCA UN NOVO CURSO NO BIBLIOCASTELO A PEDRA

Comeza un novo curso escolar no noso Bibliocastelo que volve abrir as súas portas cheo de ilusión, historias por descubrir e tesouros agochados entre as páxinas dos libros.

Un ano máis a nosa biblioteca convértese nun espazo de encontro, aprendizaxe, imaxinación e aventura, onde cada lectura pode abrirnos as portas a novos mundos e cada libro agocha un tesouro por descubrir. 

Para comezar esta viaxe poñemos en marcha as MOCHILAS VIAXEIRAS que xa están preparadas para emprender unha nova aventura e chegar aos fogares do alumnado. No seu interior viaxan libros, contos e outros recursos para compartir en familia o pracer de ler, descubrir e gozar de momentos especiais. Porque ler en familia é unha maneira marabillosa de compartir tempo, emocións e palabras.

Tamén regresa o noso equipo de axudantes voluntarios da biblioteca que colaborará no coidado e organización dos libros, na atención aos usuarios/as  durante o recreo e na dinamización das actividades do Bibliocastelo entre outras moitas tarefas.

No noso Bibliocastelo cada libro é unha porta aberta á imaxinación e cada lector/a, un explorador de novos tesouros.

MOITO POR LER, MOITO POR DESCUBRIR, E INFINITOS TESOUROS POR ATOPAR!!!

EMPRÉSTITO VERÁN 2026

 Ola amiguiños/as:

Xa están aquí as vacacións e dende o Bibliocastelo queremos animar a todo o alumnado a seguir gozando da lectura. Por iso, poñemos en marcha o EMPRÉSTITO DE LIBROS PARA O VERÁN, unha magnífica oportunidade para descubrir novas historias, viaxar a través dos libros e manter o hábito lector durante os meses de descanso. Toda a información no cartel.

 E agora unhas pequenas recomendacións para gozar da lectura:

• Busca un momento tranquilo cada día para ler. 
• Leva un libro á praia, ao parque ou de viaxe.
• Comparte as túas lecturas coa familia e cos amigos.
• Anota os teus libros favoritos para recomendalos aos compañeiras/os o próximo curso.

UN LIBRO PODE LEVARTE MOI LONXE. 

BOAS LECTURAS E FELICES VACACIÓNS!!! 

 

TORNEO XADREZ

 Dende xaneiro todos os mércores durante o recreo acollemos no Bibliocastelo un TORNEO DE XADREZ con catro ou cinco partidas simultaneas.

 Este evento está organizado polo alumnado de 6º e participan todos os niveis do cole divididos en dúas categorías: por un lado o alumnado de 1º a 3º e por outra banda o alumnado de 4º a 6º. Durante os primeiros meses do ano, as partidas son clasificatorias e van sumando puntuación para chegar ás semifinais e finais xa nos meses de maio/xuño.

Nestes intres xa coñecemos os nomes dalgúns dos gañadores/as que recibiran un pequeno agasallo no acto de entrega de premios de final de curso.

 

MIGUEL ÁNGEL ALONSO DIZ NO BIBLIOCASTELO

 Hoxe tivemos unha visita moi especial no Club de lectura do cole! Recibimos a Miguel Ángel Alonso Diz, autor do libro O país da choiva, que lemos durante este curso no Club de Papirus. 

Pasámolo moi ben conversando con el, coñecendo máis sobre a súa obra e facecndo preguntas sobre a súa experiencia como escritor.

 

Ademais, tivemos a oportunidade de gravar unha pequena entrevista para a nosa radio escolar.

Moitas grazas por compartir este tempo connosco e por facer da lectura unha aventura tan especial. Agardamos verte de novo moi pronto! 

ANTONIO GARCÍA TEIJEIRO NO BIBLIOCASTELO

 Hoxe nos sentimos moi importantes! Sabedes por que? Un gran poeta veunos visitar!!!

Non podíamos celebrar de mellor maneira "As letras galegas". O alumnado de 4º de primaria estab moi emocionado porque durante o 3º trimestre estivo lendo, recitando e gozando dos poemas do seu libro POEMAR O MAR

Falounos da súa admiración por outro poeta, o gran Rafael Alberti. Contounos que ambos gañaron o Premio Nacional de Literatura Infantil e Xuvenil por un libro de poemas co mar como protagonista.

Con el recitamos poemos seus e de Alberti e conseguiu que o fixeramos extraordinariamente ben!

Para rematar, asinou os nosos libros co que marchamos superfelices!!!

XA TEMOS PADRIÑO

 O noso club de lectura xa ten padriño. A nosa biblioteca recibiu unha visita moi especial: a de José Manuel Dopazo Entenza, que veu apadriñar o noso Club de lectura.

Durante o encontro, Alba e Roi, alumnos de 6º, foron os encargados de presentar ao autor e de realizar unha interesante entrevista guiada, na que puidemos coñecer mellor o seu traballo, as súas inspiracións e a súa relación cos libros e a lectura.

A actividade asistiron os dous grupos de 5º e os dous grupos de 6º, que forman parte este curso do noso club de lectura. Foi unha experiencia moi enriquecedora na que tivemos a oportunidade de escoitar, aprender e compartir un agradable tempo arredor dos libros.

 Como remate e de xeito simbólico, decidimos prantar varias sementes nunha maceta que esperamos xerminen e se fagan grandes como o noso pracer coa lectura.

Moitísimas grazas por vir, José Manuel! Encántounos coñecer o teu traballo e charlar sobre libros contigo. Agardamos volver verte moi pronto no Biblicastelo!

LA LECCIÓN DE AUGUST

 

 Hoxe tivemos unha nova reunión do noso club de lectura para falar do libro La lección de August de RJ Palacio. O libro encantounos e os nenos e nenas chegaron a dicir que foi o mellor libro deste curso. 

Gustoulles moito que a historia estivese contada desde diferentes perspectivas e incluso algunha integrante do club leu despois La lección de Julian 

A próxima reunión será xa a última deste curso e danos moita pena, sobre todo polos que marchan para o instituto. Unha lectura preciosa que deixará pegada no noso club. 

 

XOGAMOS COA ROBÓTICA NO BIBLIOCASTELO

 Quen dixo que aprender programación é aburrido? O noso alumnado de 6º e 5º tivo a oportunidade de asistir de xeito voluntario a experimentar coa robótica durante varias sesións en horario de recreo.

A profe Susana foi a encargada de dirixir esta actividade que tivo bastante éxito e que continuará nas próximas semanas convidando a outros niveis.

Aquí vos deixo algunhas imaxes dos asistentes:

O NENO DE LUME NO CLUB DE PAPIRUS

Hoxe tivemos reunión do noso Club de lectura no Bibliocastelo. Falamos de O neno de lume de Ledicia Costas, premio Merlín que nos gustou moito. 

Os nenos e nenas destacaron que é unha lectura fácil e que lles encantou o aire de conto clásico da historia.

Seguimos lendo e gozando xuntos dos libros!!!

ABRIL, MES DO LIBRO

 Boas amiguiños e amiguiñas:

Para este mes dos libros traivos unha proposta que agardo vos guste. Gustaríame que me recomendasedes as miñas próximas lecturas así que poñédevos creativos e a traballar. Escollede o formato que mellor se adapte aos vosos intereses: papel, dixital, podcast...

Como vedes eu tamén estiven traballando e prepareivos uns marcapáxinas moi chulos para que levedes con cada empréstito durante este mes de abril. Animádevos a coleccionalos todos!!!

MELLORES LECTORES DO SEGUNDO TRIMESTRE

 Rematamos o segundo trimestre coa entrega de agasallos aos mellores lectores e lectoras:

1º PREMIO: Uxía Loira de 6º de infantil

2º PREMIO: Hugo Martínez de 2º de primaria.

3º PREMIO:  Hodei Juncal de 4º de primaria.

4º PREMIO: Luca de Montis de 6º de primaria

Noraboa a todos e todas e a seguir gozando dos libros!!!

A LECCIÓN DE AUGUST

Na nosa última reunión do club de lectura vivimos unha sesión moi especial. Comentamos o libro La lección de August, que nos emocionou moitísimo a todos e todas. A historia de August tocounos o corazón e fixo que reflexionásemos sobre a empatía, o respecto e a importancia de aceptar as diferenzas.

Gustounos tanto que entrou directamente no ránking dos nosos libros favoritos, compartindo o primeiro posto con El valle de los lobos. Dous libros moi distintos, pero igual de especiais para nós.

Ademais, nesta sesión tamén gravamos na radio un programa que prepararamos na reunión anterior. Nel recomendamos estes libros e animamos a outras persoas a descubrir historias que nos fan sentir e pensar.

FERIÓPOLIS NO CLUB DE LECTURA DE PAPIRUS

 Esta semana reunímonos para comentar o libro FERÓPOLIS de Ledicia Costas. Gustounos moito a historia, os seus personaxes e o mundo tan sorprendente que crea a autora.

Ademais, nos atrevemos a gravar na radio do cole contando a nosa experiencia e recomendando algún libro aos compañeiros/as. 

Foi unha actividade moi divertida