xoves, 11 de febreiro de 2021

11 DE FEBREIRO, DÍA INTERNACIONAL DA MULLER E A NENA NA CIENCIA 3ª PARTE

O alumnado de 4º tamén fixo o xogo "Adiviña quen" pero coa biografía de 15 mulleres científicas. Previamente realizaron un traballo de investigación, empregando como recurso a "Táboa periódica das científicas".

Estas láminas coa táboa periódica están no recanto científico do Bibliocastelo.



Tamén buscaron información nos ordenadores e nos libros da biblioteca.



Despois coa información e coas biografías que traballaron a través do xogo "Adiviña quen" realizaron un mural. As letras fixéronnas unhas rapazas de 6º, as axudantes de Papirus.




Noraboa polo traballo realizado! O mural quedou xenial! E... moitas grazas ás mozas de 6º, pola colaboración.
Logo pintaron e fixeron pequenos resumos coas biografías destas ilustres mulleres coas que decoraron a aula.

Para rematar, coa información recollida e por equipos, cada grupo presentoulle ao resto da clase o traballo que realizaron e todo o que aprenderon. Preme na imaxe para velo!


 

Logo con todas as biografías van facer un libro, que vai estar nos andeis do bibliocastelo para que poida velo quen queira.




 




11 DE FEBREIRO, DÍA INTERNACIONAL DA MULLER E A NENA NA CIENCIA 2ª PARTE

Para festexar esta data tan importante o alumnado de 3º fixo o xogo "Adiviña quen" con tres mulleres galegas do mundo da ciencia: Ángeles Alvariño, Jimena fernández e Ángela Ruíz Robles. Antes realizaron un traballo de investigación na hora de biblioteca. A través de dinámicas da aprendizaxe cooperativa (folio xiratorio, lapis ao centro) leron as biografías destas ilustres mulleres por equipos... Despois tiñan que lelas en voz alta e os compañeiros tiñan que adiviñar de que muller se trataba e identificar a súa fotografía. Logo cos datos, cubrían unha ficha. Ollade!
















Noraboa, un gran traballo!











 

11 DE FEBREIRO, DÍA INTERNACIONAL DA MULLER E A NENA NA CIENCIA 1ª PARTE

 

A Asemblea Xeral das Nacións Unidas, no 2015, decidiu proclamar o 11 de febreiro de cada ano Día Internacional da Muller e a Nena na Ciencia.
A ciencia e a igualdade de xénero son vitais para realizar os Obxectivos de Desenvolvemento Sostible incluídos na Axenda 2030. Nos últimos 15 anos, a comunidade internacional fixo un gran esforzo inspirando e promovendo a participación das mulleres e das nenas na ciencia. Desafortunadamente, elas seguen enfrontándose a barreiras que lles impiden participar plenemente nesta disciplina.
No cole para festexar esta data tan importante, realizamos unha morea de actividades. O punto de partida foi o vídeo "Efecto Matilda. La mujer en la ciencia". Ollade!


Logo cada curso fixo diferentes actividades: charlas, murais, traballos de investigación, xogos...
Agora vouvos contar a actividade que realizou a rapazada de segundo en colaboración coa Universidade de Vigo. Dúas mozas, Esperanza Broullón Mandado (antiga alumna do cole) e Cecilia Costas, investigadoras do grupo de Oceanografía Biolóxica da Universidade de Vigo impartiron unha charla virtual (por mor do Covid-19) ao alumnado de segundo, na que lles contaron en que consiste o seu labor como investigadoras. Logo a rapazada, coloreou e recortou o material que lles enviaran con anterioridade. Por último fixeron nun folio un pequeno resumo da actividade e un debuxo. Ollade!








Moitísimas grazas Espe e Ceci por contarnos a vosa experiencia como MULLERES CIENTÍFICAS! 
 



martes, 9 de febreiro de 2021

CONTACONTOS "A CABRA BOBA"

 Ola amiguiñxs!

Estou moi contento! Hoxe un grupo de rapazas de 6º, que son as miñas axudantes, mandáronme un vídeo chulísimo para que volo ensine. Nel representan o conto "A cabra boba" da editorial OQO. Querían ir polas clases a contárvolo, pero por mor do COVID non se pode, entón ocurríuselles a idea de gravalo para logo amosárvolo. Unha idea fantástica! Espero que gocedes tanto con el, como o fixen eu.



Está xenial! Encántame! Noraboa rapazas, fixestes un traballo fantástico!

martes, 2 de febreiro de 2021

PAXARIÑOS POLA PAZ

Este ano festexamos de maneira conxunta dúas datas: o Día da Candeloria e o Día da Paz. Dentro do proxecto deste curso pareceunos interesante traballar os paxariños, xa que son moi importantes na saúde e benestar do noso planeta.

Cada nenx do cole escolleu un paxariño, decorouno e dentro del escribiu unha palabra fermosa ou unha expresión que evoca cariño: miña ruliña, meu ben, aloumiños, apertas...




Despois confeccionamos un mural co lema:
" Voemos xuntos pola Paz" 

Está decorado con andoriñas, pegas, pardais, curuxas, merlos, corvos... toda unha morea de especies de paxaros que habitan a nosa Terra.