GUÍAS DE LECTURA NADAL

 SEMENTANDO LETRAS, RECOLLENDO HISTORIAS

Compartimos as lecturas seleccionadas pola Coordinadora de Equipos de Dinamización Lingüística do Morrzo para que agasalledes LECTURAS EN GALEGO.

Agardo que sexan do voso agrado

RECREOS DE CONTO

As miñas axudantes son moi creativas e por iso decidiron crear unha historia de Samaín, con bruxa e canción de TIK TOK incluídas. 

Convidaron ao alumnado de 1º e 2º o mércores 21 de outubro.

Aquí vos deixo unha mostra da súa interpretación que espero vos guste moito:

24 OUTUBRO DÍA DAS BIBLIOTECAS ESCOLARES

O venres 24 de outubro e un día moi especial para min. Por unha banda celébrase o DÍA DAS BIBLIOTECAS ESCOLARES e por outra é o MEU ANIVERSARIO. Non me preguntedes cantos anos cumplo porque son tantos xa que non levo a conta.

Gustaríame conmemorar con vos esta data e por iso vos convido ao meu BIBLIOCASTELO, aquí vos deixo a invitación e lembrade que non é preciso traer agasallo.

Teño preparadas moitas actividades para vós. Para empezar os meus axudantes de 6º de primaria queren darvos a benvida a un novo curso e presentarvos o proxecto para este ano "A PUBLICIDADE" cun video onde nos ensinan todos os recunchos do BIBLIOCASTELO:

Ademais, nos próximos días ides recibir a visita dos compañeiros/as que vos van apadriñar e amadriñar con poemas e lecturas compartidas. Agardo que gocedes de tan boa compañía por partida doble: libros e amigos/as!!! 

Xa tendes o novo marcapáxinas ? A que esperas para personalizalo e decoralo ao teu gusto?

AS NOSAS PRIMEIRAS LECTURAS

No CLUB de Papirus van participar 12 nenos e nenas de 5º e 6º de primaria e dicidimos dividir en dous grupos polo que imos comezar con dous libros:

QUECO E KIKA de Eva Mejuto, ilustrado por Paula Cheshire, da colección Merlín , Xerais. 

Unha novela chea de humor sobre a convivencia e o amor aos animais, que mereceu o VIII Premio Agustín Fernández Paz de literatura infantil pola igualdade.

LAS HERMANAS INVIERNO de Joland C. Bertrand e que foi Premio Librarías Quebec 2023.

Unha novela de aventuras inspirada na mitoloxía nórdica e no folclore escandinavo, ambientada nos bosques boreais e no Norte máis máxico, deuses tramposos, pícaros trols, festas de Yule e animais misteriosos...

Teñen boa pinta, non si???

DÍA DAS ESCRITORAS (13 de outubro)

 O luns 13 de outubro celébrase a X edición do DÍA DAS ESCRITORAS e como sempre xa temos preparada a nosa exposición de libros en galego das nosas escritoras preferidas.

Anímate a levar algún en empréstito para ler na casa!!!

Dende Bibliotecas Escolares nos chega o cartel conmemorativo co lema deste ano "1975, ESCRIBIDE COMPAÑEIRAS" unha reivindicación do legado das escritoras ao longo da historia:

PREME NA IMAXE PARA ACCEDER A TODA A INFORMACIÓN

Tamén nos deixan unha proposta de textos en galego, mantendo a ortografía orixinal do momento histórico no que foron creados para reflexar as dificultades de escribir en galego nesa época.

SELECCIÓN DE TEXTOS EN GALEGO

E agora sodes vos os encargados/as de darlle visibilidade as nosas escritoras galegas a través da lectura dos seus libros e de todas as actividades que faredes na aula coas vosas titoras/es. Compartide conmigo algunha imaxe deses momentos que tamén formarán parte da nosa historia.

O CLUB DE PAPIRUS

 Estamos dando os primeiros pasos para crear o CLUB DE LECTURA do Bibliocastelo A Pedra:

1º Escollemos un nome para o noso club e creamos un logo:

2º Reunínonos para concretar quen quere formar parte do club entre o alumnado de 5º e 6º e que libros nos gustaría ler 

3º E por último,  mercamos os libros elixidos para comezar a gozar do pracer da lectura.

ATA MOI PRONTO!!!

BENVIDOS/AS UN ANO MÁIS AO BIBLIOCASTELO

 Ola amiguiños/as:

Empeza un novo curso e o noso Bibliocastelo volve cobrar vida. 

E como non podía ser doutra maneira, as nosas mochilas viaxeiras énchense de lecturas rumbo aos vosos fogares de novo.

Como podedes observar este ano estamos de estrea, MOCHILAS NOVAS, e chaveiro identificativo novo tamén, feito coa nosa impresora 3D. Agardo que sexa do voso gusto e sobre todo desexo que TEÑADES MOI BOAS LECTURAS.

TRÍPTICO INFORMATIVO

Coñeces ben o BIBLIOCASTELO? Para que o saibas todo e non te perdas nada,  aquí tendes unha pequena guía en forma de tríptico:

EMPRÉSTITO DE VERÁN

Estamos a piques de rematar este curso e non me gustaría que se vos esqueza de incluír, polo menos, un libro na vosa equipaxe para este verán. 

Aquí vai a miña proposta para estas vacacións, entre baños no mar e xogos cos amigos, agardo teñades oco para viaxar e gozar coa lectura.

SE NON PODES VIR NAS DATAS PROPOSTAS FALA CO TEU TITOR OU TITORA OU ACHÉGATE Á BIBLIOTECA PARA FALAR COAS ENCARGADAS E SOLUCIONALO.

GUÍA LECTURA "QUE SUBA O PANO NA PEDRA"

Co gallo do noso proxecto deste curso "QUE SUBA O PANO NA PEDRA" achegamos a GUÍA DE LECTURA para os amantes do teatro cunha pequena escolma de títulos que agardamos sexan do voso interese. 

Na última páxina, a nosa mascota nos agasalla cunha pequena relación de libros, onde o noso folklore e especialmente as CANTAREIRAS son as protagonistas:

ROMARÍA DE SAN AMEDIO

Co gallo do proxecto "IMOS DE ROMARÍA" que estamos a desenvolver este ano no noso centro e tendo en conta que estamos no mes de maio (Letras Galegas), o alumnado de 1º de primaria investigou sobre a ROMARÍA DAS LETRAS GALEGAS de Bueu que se celebra en San Amedio, Bon (Beluso)

Recolleron toda a información que atoparon nunha entrevista que gravaron na nosa radio "A voz da Pedra"

DIA DAS LETRAS GALEGAS NA PEDRA

O venres 16 de maio celebramos no cole o DÍA DAS LETRAS GALEGAS. Ao longo de todo o mes estivemos preparandonos para ese evento levando a cabo diferentes actividades.

Coma cada ano, convocamos o concurso "QUE SABES DE...? nesta ocasión dedicado á figura das CANTAREIRAS. A mecánica é moi sinxela, colocamos unha urna na entrada do cole e unha pregunta sobre as homenaxeadas. O alumnado introduce as súas respostas e entre os acertantes, elíxense os gañadores/as que recibirán un pequeno agasallo ao remate do curso.

Por outra banda, cada aula especializouse na investigación e estudo dunha cantareira ou pandereteira de música tradicional galega, seguindo co proxecto "IMOS DE ROMARÍA". A continuación, todas as clases plasmaron nunha pandeireta de cartolina os datos máis relevantes que quedaron expostas no mural da entrada sobre as LETRAS GALEGAS. 

Finalmente o venres 16 de maio xuntámonos todos no patio do colexio para festexar o DÍA DAS LETRAS GALEGAS. Neste acto houbo varias actividades, primeiro algúns representantes do alumnado saíron por cursos a compartir a información compilada nese mural. Despois o grupo  RETROUSO DE Cela agasallounos con varias pezas das súas cantareiras e pandereteiras. E por último, todos xuntos/as, entoamos o HIMNO GALEGO que xa fora previamente traballado nas aulas polas titoras e coa axuda da mestra de música. Agradecemos tamén á nosa intérprete de signos Rosa, que coma sempre nos agasallou signando o himno en directo mentras o interpretábamos. 

GALICIA DE MANUEL MARÍA

 Co gallo da celebración do Día das Letras Galegas o alumnado de 1º atreveuse a recitar o poema de Manuel María "GALICIA". 

PREME NA IMAXE

RAQUEL CASTRO NO BIBLIOCASTELO

 O luns 12 de maio o BIBLIOCASTELO acolleu a Raquel Castro autora dos libros de teatro "A formiga fóra do carreiro" e "As terapias da doutora Ledicia"  que o alumnado de 3º de primaria estivo lendo este trimestre.

 

 Raquel fíxonos sentir moi orgullosxs cando nos dixo que nunca vira unha biblioteca escolar tan chula como o noso BIBLIOCASTELO. Despois deixonos que lle fixerámos moitas preguntas e cando sacou a súa maleta, enseguida soubemos que era a da formiga e nos rimos moito con ela.

 

 Despois dramatizamos a historia, Martina fixo o papel da malvada e famenta araña e Berta da inocente formiguiña.

Para rematar, Raquel asinou os nosos exemplares con moito cariño e quedamos moi contentxs.

FELICIA FOFE A TRAVÉS DE LUIS PREGO

Onte 30 de abril,  o alumnado de 2º tivo a fortuna de recibir na súa aula nada menos que a LUIS PREG, un impormtantísimo investigador da música, o baile e a tradición oral da nosa cultura!

Falounos da vida de FELICIA DE FOFE, de como, a pesar de marchar moi nova da súa aldea natal, non deixou atrás as cantigas da súa avoa, nin a cabaza que empregaba como instrumento de precusión.

Tamén nos explicou que eran os SERÁNS, onde e cando se organizaban e do papel das mulleres nestas xuntanzas, xa que eran elas as responsables de limpar e arrombar o punto de encontro (que podía ser mesmo nun cortello...!!!); que, habitualmente, os gaiteiros non ían aos Seráns porque eles cobraban por actuar (mesmo nisto se notaban as desigualdades entre homes e mulleres!); que as coplas eran toda unha forma de comunicación e servían para transmitir calquera mensaxe, que eran distintas unhas doutras...

Falounos das cantareiras homenaxeadas este ano no Día das Letras Galegas: AS PANDERETEIRAS DE MENS, ADOLFINA e ROSA CASÁS e EVA CASTIÑEIRA.

Pero non só iso!!! Tocou unha morea de instrumentos do máis curioso, que non eran outra cousa que utensilios de cociña!!! (dúas culleres, un prato esmaltado, unha botella de anís...) A pobreza agudizaba o enxeño e aquelas mulleres eran quen de facer música cos obxectos máis insospeitadaos!!!

Por último, ensinounos a tocar as pandeiretas que constrúimos con cartóns e chapas de botellas nos obradoiros de Nadal!!! 

FOI INCRIBLE!!! 

APRENDEMOS UNHA MOREA DE COUSAS E PASÁMOLO XENIAL!!! 

MOITAS GRAZAS LUÍS!!!

PREME NA IMAXE

GLORIA SÁNCHEZ NO DÍA DO LIBRO

 

Na semana do 23 de abril, o alumnado de 2º achegouse ao BIBLIOCASTELO para investigar sobre GLORIA SÁNCHEZ e a súa obra xa que é autora dun libro que leron durante o segundo trimestre NOÉ E GATO FAN TEATRO.

Foi un traballo en equipo e tras as pescudas feitas na aula, aprenderon que esta escritora sempre combinou o seu labor de escritora co de mestra de primaria; que é autora dunha morea de libros de poesía, narrativa e teatro;  e que en ocasións declarou que para ela a literatura de tradición oral é fonte de inspiración.

 

 

A continuación, participaron nun xogo de pistas para atopar libros dela nas distintas seccións do noso BIBLIOCASTELO. 

PASÁMOLO XENIAL!!!