VISITA AO FIC 2023

Como todos os anos, estamos convidados a asistir á representación de curtas, adaptadas segundo as idades, no Centro Social do Mar de Bueu e organizada polo FESTIVAL INTERNACIONAL DE CINEMA DE BUEU

PELOUROS

FURABOLOS

LARETAS

1º PRIMARIA

2º PRIMARIA

4º PRIMARIA

6º PRIMARIA

XA ESTAMOS DE VOLTA

 Ola amiguiñxs, 

Este luns, 2 de outubro, comezamos unha nova andaina no Bibliocastelo que vai estar chea de novas aventuras lectoras e deportivas.

 Cantos vos botei en falta!!!

Encantame tervos de volta, enchendo todos os espazos da miña casa e gozando cos meus libros preferidos.

Tamén quero dar a BENVIDA aos meus NOVOS/AS AXUDANTES, sempre atentos/as e con moitas ganas de colaborar.

FINAL CAMPIONATO DE XADREZ

Ola amiguiñxs:

Despois de varias semanas de intensa competición o campionato de xadrez chegou a súa fin. O martes pasado xogaron polo 3º e 4º posto Adrián Regueira e Abel Pidre e o xoves foi a gran final entre Andrés Domínguez e Luca de Montis. O podio quedou así:

Gañador: Andrés Domínguez Meira.

2º posto: Luca de Montis Cerqueiro.

3º posto: Adrián Regueira Loveira.

4º posto: Abel Pidre Riobó.

Hoxe foi a entrega de premios no ximnasio. Ademais dos gañadores tamén houbo premio para todxs participantes, un premio a deportividade para Adrián Regueira e premios para xs organizadores: Alba, Jan, Lucas, Xavi e Andrés. Ollade as imaxes!   

Parabéns aos gañadores e a todxs participantes!

Quero dar as grazas aos orgañizadorxs por esta iniciativa tan chula e polo traballo ben feito e tamén a profe Marta, que foi quen realizou os trofeos.

Moitísimas grazas! Estou moi orgullosos de vós!

Biquiños

 

IMOS XOGAR COS AVOS E AVOAS AOS CENTROS DE DÍA

 Ola amiguiñxs:

 Vouvos poñer ao día coas últimas novas da nosa escola. O alumnado de 6º de infantil achegouse aos CENTROS DE DÍA para presentarlles aos avós e avoas o xogo  cooperativo de cartas tan chulo que fixeron este ano co gallo do noso proxecto "MOITO MÁIS QUE XOGO"

Aquí vos comparto un video que me pasron os trasniños/as para que vexades que dúas xornadas máis entrañables pasaron:

Se quereses saber máis premede AQUÍ

SEMIFINAIS CAMPIONATO DE XADREZ

 Ola amiguiños:

Despois de varias semanas de xogo intenso, xa temos os semifinalistas do campionato de xadrez. Son:

- Andrés Domínguez Meira de 5ºA e Adrián Regueira Loveira de 3ºA  que xogarán a primeira semifinal o vindeiro martes. 

- Luca de Montis Cerqueiro e  Abel Pidre Riobó de 3ºA xogarán  a segunda semifinal o xoves 31 de xuño.

Noraboa aos semifinalistas! Moita sorte a todos!

Biquiños

LETRAS GALEGAS 2023

 Ola amiguiñxs:

O longo deste mes realizáronse diversas actividades para conmemorar o Día das Letras Galegas. Como outros anos realizamos entre todxs un mural colaborativo en torno a figura do autor homenaxeado este ano: Francisco Fernández del Riego. 

Decorámolo con caricaturas e con debuxos das portadas dalgunhas das súas obras.

Tamén se realizou o concurso QUE SABES DE...?, dedicado ao autor homenaxeado. Cada semana había unha pregunta que o alumnado podía contestar, escribindo a resposta nun papel que logo se depositaba nunha furna colocada na entrada do cole. Os martes unha man inocente escollía os gañadorxs comprobando que a resposta fose correcta. Os nomes dos gañadorxs de cada semana expúñanse nun cartel na entrada do cole a espera de recibir o seu agasallo. A entrega de premios realizarase os últimos días de clase.

Ademais nas aulas realizáronse unha morea de actividades para coñecer mellor a Fernández del Riego: lecturas, xogos interactivos... Preme na imaxe para saber máis:

 

 Máis actividades das Letras Galegas nestas ligazóns:

• DECORANDO CON PALABRAS 

• CONTACONTOS ESPECIAL. 

• POEMA DE MANUEL MARÍA NA RADIO ESCOLAR

CAMPIONATO DE XADREZ

 Ola amiguiñxs:

Xa temos  xs gañadorxs do campionato de xadrez desta semana e que pasan a seuinte ronda. Son:

Andrés Domínguez, Teo Freire, Unai Rodríguez e Aitor Silva.

Noraboa!!

Biquiños

II FESTIVAL ARTÍSTICO SOLIDARIO ART OF CHANGE

 Ola amiguiñxs:

Xa me enterei que esta fin de semana estivestes moi ocupados. O pasado sábado celebrouse o II Festival Artístico Solidario Art of Change organizado polo IES Johan Carballeira e no que participaron todos os centros educativos da nosa vila. Segundo me contaron, participastes neste festival vendendo as manualidades que fixestes coa axuda do profesorado e das vosas familias, cun obradoiro de animais mariños de plastilina e cun recanto de xogos tradicionais (cartas, 3 en raia, pelouros... ), todo feito por vós e relacionado co mar.  

Eu dei unha volta pola carpa e quedei abraiado coas cousas tan bonitas que había. Sodes uns artistas!! Saquei algunhas fotos. Ollade!!

Estivestas traballando arreo durante moitos días, facendo manualidades chulísimas (marcapáxinas, imáns para a neveira, maceteiros, chaveiros con nós mariñeiros, peloros, barallas, tres en raia...). Pero tanto esforzo valeu a pena, xa que das vendas de todas estas manualidades recadáronse unha morea de euros que se donaron as ONGs Save the Children e 13 Grados. Estou moi orgulloso de vós!!

Ademais de postos de venda para recadar cartos tamén houbo outras actividades: concertos, representacións teatrais, obradoiros, Performance, lectura de poemas, conferencias, confección dunha alfombra de flores e doutros materiais...

Neste Festival, ademais de participar todos os centros educativos da contorna, tamén participaron diversos organismos, asociacións, entidades e toda a comunidade educativa de Bueu. Moitísimas grazas a todxs, especialmente ao Concello e ás familias pola súa colaboración!

Foi unha xornada festiva, colaborativa e solidaria fantástica da que se fixo eco o xornal Faro de vigo. Premede na seguinte imaxe para ver máis fotos. 

Eu paseino xenial, espero que vós o pasarades tan ben coma min.

Biquiños