ENTREVISTA FESTIVAL INTERNACIONAL DE TÍTERES DE REDONDELA

Co gallo dos nosos proxectos sobre o Teatro e as Romarías, o alumnado de 2º desenvolveu o papel de TITIRITEIRXS; así que deciciron investigar sobre a historia dos TÍTERES, as distintas clases que existen e os festivais nos que xogan un papel protagonista. Foi así como soubemos dun festival moi imprtante que, ademais, se celebra moi preto de aquí, en Redondela; a p apenas media hora de Bueu!

E despois do traballo, o martes 9 de abril tivemos a sorte de poder entrevistar, de xeito on line, a Luis Crespo, director do Festival Intenacional de Títeres de Redondela. 

Luis Crespo é actor, dramaturgo, titiriteiro de corazón e embaixador da súa vila redondelá. É membro da Asociación XENTE TITIRITEIRA e dirixe o FESTIVAL INTERNACIONAL DE TÍTERES DE REDONDELA, Memorial Juanjo Amoedo; que desde hai 26 anos é todo un referente no mundo dos títeres dentro e fóra de España!

Malia estar xa moi ocupado nestas datas, a pouco máis dun mes da celebración do festival, atendeu a todas as nosas preguntas con gran amabilidade.

Explicounos que a idea inicial foi de Juanjo Amoedo, presidente da Asociación Veciñal de Redondela e tristemente falecido; motivo polo cal, o festival leva os eu nome.

Cada ano, participan compañías procedentes de moitos países, que empregan as máis variadas técnicas e tipos de títeres. Durante unha semana levan a cabo actividades, exposicións e funcións en salas, rúas e prazas de toda a vila; pero so días de maior intensidade coinciden na fin de semana de peche (este ano, os días 12 e 18 de maio) durante os cales toda Redondela é unha explosión de agarabía e felicidade!!!

Na súa organización (que leva a cabo a Asociación Xente Titititeira) colaboran organismos oficiais coma o Concello de Redondela, a Deputación de Pontevedra, a Xunta de Galicia e moitas asociacións e pequenas entidades; así como máis de 150 voluntarixs que, desinteresadamente, participan en labores de todo tipo. Toda a sociedade se implica nesta festa que senten como un símbolo de identidade!

 Antes de despedirnos, representacmos a nosa función de títeres do SACAPENAS. Estabamos moi nervioso porque era unha responsabilidade facelo ante alguén tan immportante!!! A verdade é que foi moi xeneroso e amable e díxonos que lle gustara moit

FOI FANTÁSTICO COÑECELO!!!

MOITAS GRAZAS LUIS!!!

Aquí vos deixamos un pequeno video que recolle esta emotiva xornada.

 

 

O festival na súa XXVI edición terá lugar a semana do 12 ao 18 de maio e se trata dun gran acontecemento:

Dende o Bibliocastelo animámosvos a ir a este festival se tendes oportunidade porque paga pena!!!

AS PANDERETEIRAS DA MAN DE PATRI

O venres 4 de abril, o alumnado de 3º tivo a sorte de recibir a Patri, fiel defensora da música tradicional galega que dende moi pequerrecha aprendeu a tocar a pandeireta, a cantar e a bailar.

 

A súa avoa, Lela A Cachisa, ensinoulle as cantigas que cantaba na fábrica de Massó, no campo ou na casa e isto marcouna profundamente. Ao igual que fixeran as Lagharteiras, insisitu na importancia de escoitar aos nosos maiores.

Ademais falounos de Loira Bernárdez, "Consuelo de Pardiñas" que é a cantareira escollida pola aula de 3ºB. Consuelo e as súas amigas de Sabarigo en Cela, como non tiñan cartos para ir ao baile de pago, xuntábanse nun cruce de camiños. Facían a roda e mentres ela tocaba a pandeireta, unha parella bailaba no medio. Podían estar así ata altas horas da madrugada. Foi unha das últimas pandereteiras do Morrazo e o seu xeito de tocar é único e está moi valorado polos grupos de cantareiras actuais. Fixéronse recollas por parte do grupo Retrouso de Cela que quedaron rexistradas no disco Eielelos.

O maís divertido foi cando Patri nos cantou e tocou a pandeireta e ainda mellor cando puidemos tocar con ela. Neste video podedes ver o ben que o pasamos:

 

MOITAS GRAZAS PATRI!!!

A ROMARÍA DE SAN AMEDIO

 Co gallo do proxecto de Dinamización Lingüística sobre as Romarías que estamos facendo este ano na nosa escola, o alumnado de 5º estivo investigando sobre unha das Romarías que se celebran aínda na zona de Bueu: A Romaría de San Amedio.

Para completar a súa información convidaron ao pai e á avoa de Diego, un alumno de 5ºB que despois de facernos unha presentación moi interesante sobre o tema, deixáronse entrevistar na nosa radio escolar:

 

Moitas grazas pola vosa colaboración Diego e Josefa!!!

LAGHARTEIRAS "CANTAREIRAS GALEGAS"

 Co gallo do proxecto "IMOS DE ROMARÍA" que estamos a desenvolver este ano no noso cole, cada aula escolleu o nome dunha cantareira galega. A aula de 3ºA elixiu "AS LAGHARTEIRAS" e andiveron investigando sobre elas. Todo o que averiguaron resultou de moito interese pero unha das cousas que máis lles gustou foi que descubriron que participan na canción "OLIVEIRA DOS CEN ANOS" do Celta de Vigo.

 

Tivemos a sorte de que a mamá da nosa compañeira Julia, coñecía a unha das integrantes das Lagharteiras e púxose en contacto con Elas que amablemente nos enviaron este emotivo video.

MOITAS GRAZAS!!!

 

 

DÍA DO TEATRO - 27 de marzo

 Este xoves, 27 de marzo celebramos o DÍA DO TEATRO por todo o alto cunha xornada chea de actividades variadas e moitas colaboracións importantes.

Comezamos coa representación simultánea do conto DE QUE COR É UN BICO? a cargo de 2 grupos de exalumnos/as da nosa escola e que agora están cursando 3º da ESO no IES Johan Carballeira.

Ao mesmo tempo un terceiro grupo do mesmo curso do IES Johan Carballeira representou a obra teatral LUME.

Continuamos cuns XOGOS PARATEATRAIS que preparon para nós Martiña Villar e Fran Paredes.

Nun dos espazos do noso Bibliocastelo recibimos a Esteban do grupo TÍTERES E CONTOS TARABELOS que nos contou a lenda da COCA de Redondela dun xeito moi divertido.

O noso alumnado de 2º representou a súa obra SACAPENAS noutro espazo da biblioteca ante os seus compañeiros/as doutros niveis. Estiveron fantásticos, uns verdadeiros artistas!!!

E para rematar tivemos diferentes talleres de teatro coa creación de máscaras e chapas conmemorativas deste día.

Ademais. leváronse a cabo dúas actividades fora do noso centro. Por unha banda os nosos nenos/as de 3º de primaria achegáronse ao IES Johan Carballeira onde foron recibidos polo alumnado de 2º dos ciclos de CM Estética e beleza e de FPB Peiteado e estética para unha sesión de maquillaxe.

Por outra banda o alumnado de 4º de primaria, desprazouse ata o IES Illa de Ons para asistir á representación dun fragmento do musical "OS MISERÁBEIS" adaptación propia en galego da obra de Victor Hugo e que están agora mesmo representando en varios eventos culturais.

Foi unha xornada estupenda e moi divertida!!! Gustoume moito estar rodeado de tanto arte e tan bos artistas!!!

OBRADOIRO DE BAILE GALEGO

Por mor do proxecto "IMOS DE ROMARÍA", o alumnado do colxio A Pedra participou nun OBRADOIRO DE BAILE GALEGO impartido polo mestre Manolo.

Con el aprendemos varios puntos do baile tradicional, e o picado que nos vai vir moi ben para gozar das foliadas que se celebran nas festas galegas e en especial nas Romarías.

 

RECITANDO A ROSALÍA

 A rapazada de 1º de primaria, celebrou o DÍA DE ROSALÍA recitando e signando o seu poema "HAS DE CANTAR" de Cantares Gallegos. Todos os nenos/as viñeron ao cole disfrazados de Rosalía e na cabeza trouxeron unha coroa coa súa caricatura realizada por eles mesmos/as.

PREME NA IMAXE

AS ROMARÍAS DE BUEU

 O 7 de febreiro o profe Arturo Sánchez, historiador e documentalista, veu a nosa biblioteca para falarnos das romarías de Bueu.

Empezou aclarando o significado da palabra ROMARÍA dende o punto de vista etimolóxico e dixo que unha romaría é unha viaxe, un camiño.

Logo comentou que as romarías existen dende moi antigo como está documentado nas cantigas dos xograres e que normalmente non tiñan connotacións relixiosas, pero a medida que o cristianismo foi medrando en occidente, co camiño de Santiago tamén se introduciron os ritos católicos e nos espazos de celebración se construíron ermidas ou capelas.

Ademais, explicou que en Bueu conmemóranse diferentes romarías, cada unha delas ten un santo ou unha santa á que os seus fieis veneran: San Amedio, Santa Efixenia, Santos Reis, Santiago de Hermelo... pero todas teñen en común a parte pagá de actividades populares e tradicionais, comidas campestres, reunións familiares e de amigos, xogos, actuacións de grupos, de música tradicional, bandas e actos culturais...

Por último, centrouse máis na Romaría das Letras Galegas que se celebra en maio en San Amedio, pois o alumnado de 1 e 2º teñen que investigar os aspectos principais que definen esta romaría. 

DÍA DA MULLER E DA NENA NA CIENCIA

 O martes 11 de febreiro celébrase o Día da Muller e da Nena na Ciencia para darlle visibilidade  e recoñecer o papel das mulleres no campo da ciencia e da investigación.

O alumnado de 3º de primaria investigou a varias mulleres científicas. Para rematar o seu proyecto foron á radio para gravar o resultado das súas pesquisas.

RECREOS DE CONTO

 O xoves 13 se Febreiro un grupo de axudantes de Papirus de 6º representou ante o alumnado de 1º e 2º o conto “MARUXA” da editorial OQO

Maruxa e Pepiño vivían na aldea. Maruxa cosía, varría e labraba. Pepiño cantaba, folgaba e durmía. Mais un día…

Maruxa decide dar unha lección ao seu marido. Astuta, e cunha gran habilidade no manexo da retranca, logrará que Pepiño tome consciencia de que o traballo da casa está mal repartido e consegue que cambie de actitude.

Foi un rato moi divertido xa que o fixeron moi ben. Aquí vos deixo algún momento da súa actuación.