O alumnado de Música e Plástica de 4º da ESO do IES Pino Manso (O Porriño) elaboraron un lipdub do poema "Adios Ríos, Adios Fontes..." para conmemorar o Día de Rosalía.
Dende o EEI Barrionovo (Arteixo, A Coruña) tamén nos chega este precioso video sobre Rosalía...
Para aprender e coñecer mellor a Rosalía visitade estes enlaces:
RAIOTECA blog da Biblioteca Escolar do CEIP de Andrade Pontedeume "Soños de Andel"
O 24 de febreiro celebramos o DÍA DE ROSALÍA, a nosa máis grande poeta. Para lembrarnos dela, vimos de elaborar na entrada do cole, un mural onde se pode ler o poema de CANTARES GALLEGOS " Na lingua que eu falo"
Ao igual que fixemos o curso pasado, imos participar nunha actividade colaborativa con outros centros do Morrazo que consiste na elaboración dun video conxunto onde o alumnado recita este mesmo poema. En breve publicaremos o resultado. Polo de agora, podemos lembrar o video que se editou o pasado curso co poema: "Alborada"
Aquí tendes o poema completo: NA LINGUA QUE EU FALO
O venres 13 de febreiro, despois de moitas semanas preparando os nosos traxes celebramos a gran festa do entroido. Con moito esforzo mestres, nenos, nenas, papás e mamás traballaron arreo para ter todo arranxado. Aquí tendes unha mostra de como o fixeron os máis pequeniños do cole.
E aínda que o tempo non nos acompañou, puxemos os nosos disfraces artísticos e celebramos unha gran festa no ximnasio do colexio.
Os rapaciños e rapaciñas de infantil convertéronse en reloxos de Salvador Dalí...
Kandinsky foi o artista elexido polo alumnado de primeiro de primaria...
Os nenos e nenas de segundo transformáronse en pintores...
A rapazada de terceiro e cuarto imitaron os cadros de Miró...
O alumnado de quinto optou pola arte musical e vestíronse do gran Mozart...
E os maiores do colexio emularon a arte de Charles Chaplin e o Charleston...
Todos e todas levaban ben aprendidas as súas cancións...
Este ano o Día da Paz tamén foi un día ARTÍSTICO para nós. Empezamos construíndo a paz coas nosas caras, ao estilo Andy Warhol, nun mural na entrada do cole.
Por mor da chuvia, o venres 30 de xaneiro xuntámonos todos no ximnasio, para celebrar este día tan especial, sabendo que a paz constrúese día a día.
Cada clase escribiu un pequeno texto co lema escollido, expresando os seus mellores desexos e sentimentos de cara aos demais, que despois leron en voz alta no acto de celebración :
1ºA
"Nós queremos bicARTE porque nos axudas, porque estás ao noso lado, porque nos gustas, porque nos ensinas, porque nos coidas, porque nos das de comer, porque nos levas de compras, porque nos queres, porque xogas con nós, porque eres a nosa amiga, porque queremos que sexas feliz. porque te queremos e queremos que vivas nun mundo mellor."
1ºB
"Nós queremos valorARTE porque me animas, te portas moi ben comigo, me das bicos, me das apertas, xogas comigo, me coidas, me visitas, me adoras, es bo, me ensinas cousas que non sei, me preparas a merenda, a comida e o baño, me mimas, me axudas a facer manualidades, me das agarimo, me queres todos os días, cada noite me les un conto, es o mellor, tes un sorriso moi bonito, me peiteas, me fas caso, sempre que estou contigo síntome ben.
2ºA
"Quero felicitARTE porque te esforzas en facer ben as cousas, axudas aos demais, sempre estás aí e podo contar contigo, coidas o planeta, sempre me animas cando as cousas me saen mal, me fas rir cando estou triste, Quero felicitarte por todo o amor que das a todos os que están ao teu carón."
2ºB
" Queremos agarimARTE por ser unha persoa bondadosa e desinteresada, para que te sintas mellor. por ser bo."
3ºA
"Queremos namorARTE cando saibas que nos alegramos dos teus éxitos, que nos afliximos se ti sufres, porque nos gusta o teu sorriso amable, doce, sincero, cariñoso, namóranos a túa mirada boa, limpa, tenra e despexada."
3ºB
"Eu quero lembrARTE con cariño para que te sintas feliz, pola túa intelixencia e paciencia para solucionar os teus problemas, pola túa xenerosidade para que te sintas ben, porque sempre me sentin acompañado por ti."
4ºA e 4ºB
"Queremos emocionARTE cando nos das un sorriso, cando nos les algo bonito, acndo nos das aloumiños con moitos biquiños. Queremos emocionARTE porque da nosa vida formas parte. coas nosas delicias de pinturas de arte"
"Queremos consolARTE cando estés disgustado e triste, cando non teñas plalbras e ideas para expresar o que estás sentindo. Queremos consolARTE sempre."
5ºA e 5ºB
"Queremos animARTE a quererte como es, a mellora cada día, a seguir adiante e non rendirte, a convivir en harmonía e en paz. En definitiva, a ser feliz"
"Queremos acompañARTE no día a día, para que rapaces enfermos coma ti (Eric) ou que sofren polos seus non vos sintades sós, porque estamos aquí para darvoa ánimos e axudarvoa a superar os obstáculos"
6ºA e 6ºB
"Queremos convidARTE a gozar da arte e pintarche un sorriso para que te sintas feliz en todas partes."
"Nós queremos ilusionARTE cada día cun sorriso por un mundo mellor, cheo de paz, confianza... Queremos ilusionARTE e darche esperanza coas nosas palabras para que se poidan cumprir os teus soños"
Despois os rapaces e rapazas de 6º tocaron unha peza musical coa frauta.
Como todos os anos, para rematar o acto soltamos unhas pombas e xa que non paraba de chover, fixémolo dende a porta do ximnasio.
Por mor da chuvia, os nenos e nenas de infantil, non viñeron celebrar este día con nós. Preme AQUÍe poderás ver como o pasaron.
Co gallo do noso proxecto sobre A ARTE, durante o primeiro trimestre e parte do segundo deste curso, estivemos coñecendo a algúns artistas destacados da nosa zona, O Morrazo. Premede nos nomes e saberedes como o fixemos:
A través desta postal compartimos con toda a Comunidade Educativa o resultado dun magnífico traballo feito polo noso alumnado. Este fermoso mural colaborativo atópase na entrada do cole e con el damos comezo as Festas de Nadal. Para ter maís información preme na imaxe.
Dende a Coordinadora de Equipos de Normalización e Dinamización Lingüística do Morrazo, en colaboración cos centros escolares da zona vense de elaborar unhas Guías de Lectura con recomendacións e novidades lectoras para este Nadal.
Acaba de nacer CRIATURAS unha nova revista dixital de literatura infantil e xuvenil de Galicia, coordinada por Ledicia Costas e Daniel Landesa.
Premendo nesta imaxe accederás ao número 0 en formato PDF. Nesta primeira revista atoparemos, entre outros, un monográfico do clásico de Maurice Sendak "ONDE VIVEN OS MONSTROS", un pequeno bestiario da literatura universal e un diálogo con Jacobo Fernández Serrano.
A CGENDL pon á nosa disposición unha páxina onde atoparemos todo tipo de recursos aportados por diferentes centros educativos, que nos van servir para traballar o Nadal.
Co gallo do mes da ciencia en galego, o alumnado de terceiro de primaria iniciouse no traballo de científico cuns resultados excelentes.
Investigaron sobre a alimentación. Primeiro recolleron folletos de alimentos dos distintos supermercados da vila e con eles fixeron unha pirámide de alimentos que lles permitiu ver, dunha forma moi visual, que alimentos deben comer a diario e con máis frecuencia e cales deben consumir ocasionalmente.
Despois averiguaron o que lle aportaba cada alimento e que nutrintes contiñan (vitaminas, proteinas, graxas, hidratos de carbono...) e remataron facendo unha roda de alimentos.
Para saber máis acudiron ao Bibliocastelo e alí sentíronse "aprendices de científicos" de verdade.
Comprobaron, cun sinxelo experimento que alimentos contiñan graxa e cales non. Colocaron diferentes mostras de alimentos sobre folios brancos. Despois de secalos cunha estufa, colocáronnos ao trasluz nas ventás. Quedaron moi sorprendidos co resultado obtido.
Como remate, con todo o aprendido, elaboraron uns murais onde explicaban como sería un menu equilibrado e saudable (almorzo, media mañá, xantar, merenda e cea). Explicaron que lles aportaba cada alimento.
Nesta ocasión o alumnado de segundo de primaria quixo comprobar como as flores absorben a auga. Empregando colorante alimentario de diferentes cores foi moi sinxelo observar o cambio de cor nos pétalos.
