Este é o blog da BIBLIOTECA e do EDLG do CEIP Plurilingüe A PEDRA de Bueu (Pontevedra)
Ola amiguiñxs:
Hoxe o alumnado de 1ºA agasállanos cunha adaptación dun fermoso conto de aceptación e superación, titulado Por catro esquiniñas de nada do autor Jéromê Ruillier. Espero que vos guste tanto como a min. Escoitade!
Xenial!! Que ben o facedes!! Moitísimas grazas por compartilo con nós!
Biquiños
Ola amiguiñxs:
Hoxe estou supercontento! Enviáronme máis podcasts! Nesta ocasión é a rapazada de 4º, que co gallo do Día do Libro, cóntannos cales eran os seus libros preferidos cando eran cativxs e cales son agora. Escoitade!
Ola amiguiñxs:
Hoxe estou moi contento por varios motivos. Un deles é porque é o Día do Libro, un dos días máis importantes do ano para min. Xa sabedes que me encanta ler e os libros son os meus mellores amigos, ademais de vós. O outro motivo é que me enviastes máis podcast. Sei que estivestes fedellando toda a semana no recanto da radio do Bibliocastelo. Estívenvos observando e vin o ben que traballastes. Enchestes de ledicia e balbordo o meu fogar! Había tempo que non sentía tan vivo o Bibliocastelo!
Nesta ocasión foi o alumnado de terceiro o que estivo gravando podcast con recomendacións de libros. Anímovos a que as escoitedes, hai suxestións moi interesantes!
Hoxe vouvos contar unha boa nova. Grazas ao programa Radio na Biblio de Bibliotecas Escolares de Galicia, do que formamos parte, tivemos no cole unha xornada de formación para aprender a manexar este medio de comunicación tan fascinante, a radio. O alumnado de quinto foi o afortunado de recibila. Foi impartida por Luis Losada, membro de Rede Espora. Déixovos o enlace a presentación que fixo. É moi interesante, xa que ofrece moitos recursos que vos poden axudar no manexo deste medio.
https://docs.google.com/presentation/d/1CWsElZza1jihDM1edh2Wy97A-eVTpl4QIchYM0gHWnk/edit#slide=id.p
Despois da formación, veu o máis divertido. A rapazada foi a emisora a pór en práctica os coñecementos adquiridos. Gravaron os seus primeiros podcast. O resultado foi incríbel. Escoitade con atención!
Ola amiguiñxs:
Hoxe é o Día Internacional da Nai Terra. Xa sei que estades moi ben informados e concienciados sobre os problemas que están a afectar ao noso planeta: cambio climático, a contaminación dos océanos, a perda da biodiversidade...Por iso é moi importante que levemos a cabo accións encamiñadas a restaurar a Terra. Co gallo deste día, sei que fixestes unha morea de actividades:
- O alumnado de 3º fixo un proxecto sobre as plantas, que tiña como principal obxectivo coñecer a importancia que teñen os vexetais no noso planeta. Saíron pola contorna na procura de plantas, para estudalas e logo facer un mural. Despois plantaron leitugas e mirasois, aproveitando o compost que se fai no cole coas sobras das merendas e do comedor. Mesturaron compost e terra para facer a sementeira e logo trasplantaron a un testo para que cada nenx a leve a súa casa. Para esta tarefa contaron coa axuda e o asesoramento de Ramón, o conserxe. Ollade o seguinte vídeo!
- A rapazada de 1º e 5º tamén sementou. Ollade o seguinte vídeo para ver como o fixeron!
Ola amiguiñxs:
Hoxe as miñas e os meus axudantes: Leire, Paula, Noa, Aitor e Xián representaron no Bibliocastelo o conto de Barrio Sésamo ¡Es un secreto! Fixérono xenial, ollade!
Hola amiguiñxs:
Hoxe é o Día Meteorolóxico Mundial. O motivo principal para celebrar esta data é crear conciencia entre as persoas e os distintos gobernos do mundo, do papel que ten o coidado e preservación do clima e do medio ambiente para a preservación da vida na Terra. Por outra banda, búscase atopar unha solución ao cambio climático ocorrido nos últimos anos, para deste xeito reducir os riscos dun desastre a nivel global, que poña en perigo á especie humana.
Ola amiguiñxs:
Hoxe celébrase o Día Internacional dos Bosques para concienciarnos sobre a súa importancia. Os bosques son fundamentais, xa que a sua perda xenera unha gran cantidade de gases que provocan o quecemento global e a perda de biodiversidade. Pero pese aos beneficios ecolóxicos, sociais e económicos que nos dan os bosques, a deforestación continúa a un ritmo sen precedentes. Por iso o lema para este ano é:
" Restauración forestal: un camiño á recuperación e o benestar"
A restauración e a xestión sostíbel dos bosques axudan a afrontar esta dobre crise: a do clima e a da biodiversidade. Ademais estas actividades xeran bens e servizos necesarios para o Desenvolvemento Sostíbel. O Decenio da ONU sobre a Restauración dos Ecosistemas (2021-2030) é un chamamento global á protección e recuperación dos ecosistemas. Busca poñer fin a súa degradación e restauralos, para cumprir o obxectivo 15. Ollade o seguinte vídeo!
Ola amiguiñxs:
Hoxe estou moi contento, por dous motivos: porque é o Día de Rosalía e porque...
POR FIN SE ESTREOU A MIÑA EMISORA A VOZ DA PEDRA !
Queriamos que fose un día moi sinalado e importante, por iso escollemos esta data para a posta en marcha da nosa radio. As encargadas de inaugurala foron as miñas axudantes: Naiara, Carla, Xiana, Iria e Judith.
E que mellor maneira para facelo que recitando uns fermosos poemas da nosa ilustre escritora homenaxeada este día, Rosalía de Castro. Escoitade!
Moitísimas grazas, rapazas. Fixéstelo xenial!
Biquiños!
Ola amiguiñxs:
Como xa sabedes, hoxe celébrase o Día da nosa gran escritora, Rosalía de Castro. Xa me enterei de que fixestes unha morea de actividades, que estivestes buscando información nos libros e nos ordenadores do Bibliocastelo. Para comprobar o que aprendestes podedes facer o seguinte Kahoot. Estades listxs? Pois...premede na seguinte imaxe!
