FERIÓPOLIS NO CLUB DE LECTURA DE PAPIRUS

 Esta semana reunímonos para comentar o libro FERÓPOLIS de Ledicia Costas. Gustounos moito a historia, os seus personaxes e o mundo tan sorprendente que crea a autora.

Ademais, nos atrevemos a gravar na radio do cole contando a nosa experiencia e recomendando algún libro aos compañeiros/as. 

Foi unha actividade moi divertida

FORMACIÓN RADIO ESCOLAR

 O luns e martes 19 e 20 de xaneiro tivemos a sorte de contar no Bibliocastelocon Gabriel Paz que veu traballar na radio co alumnado de 5º de primaria. 

 Que aprendeu o noso alumnado? Pois primeiro a traballar en equipo e a dar o paso de poñerse á fronte dun micrófono e tamén formáronse nas nocións básicas de radio e podcast, así como das súas diferenzas.

  

Realizaron un guión e a escaleta do programa de radio e aprenderon as nocións básicas sobre a locución e as súas técnicas.

 Practicaron a captación sonora e entenderons os planos sonoros ademais dunhas nocións básicas sobre a utilización dunha mesa de mesturas. 

 

 Gravaron dixitalmente na computadora e editarons cabeceiras, cuñas e fondos musicais.

 

Cales foron os resultados?
O alumnado de 5º-A elaborou un programa deportivo titulado “Os deportistas récord”. O programa
estrutúrase en dúas partes principais, encabezadas e pechadas por unha benvida e unha despedida.
Bloque 1: Neste primeiro bloque resúmense xornadas deportivas. Neste caso, o enfrontamento entre o
Bueu Atlético Balonmán e o San Bartolomeu de Moaña.
Bloque 2: Entrevístase a Fran Loira e Elsa Martínez, alumnado do colexio que dedica o seu tempo libre á natación.

O alumnado de 5º-B elaborou un programa musical titulado “Tolos pola música”. O programa estrutúrase en dúas partes principais, encabezadas e pechadas por unha benvida e unha despedida.
Bloque 1: Neste apartado o alumnado recomenda cancións ás persoas oíntes.
Bloque 2: O alumnado entrevista a cantantes famosos. Neste caso, dúas alumnas fanse pasar por Karol G e Shakira.

MELLORES LECTORES/AS DO BIBLIOCASTELO

 Ola amiguiños e amiguiñas:

Agora que remata o trimestre e se achega o Nadal, gustaríame felicitar aos rapaces e rapazas que máis libros levaron en empréstito da nosa biblioteca dende setembro, porque LER É IMPORTANTE E SE O FACEMOS POR GUSTO É UN PRACER.

1º PREMIO: Izan Garrido de 4º primaria

2º PREMIO: Uxía Loira de 5º infantil

3º PREMIO: Aroa Bastón de 4º primaria

4º PREMIO: Alba Carballo de 4º de primaria

5º PREMIO: Sheyla Ares de 4º de primaria

O xoves 18 de decembro durante o recreo van recibir unha pequena homenaxe e un agasallo porque LER PAGA A PENA SEMPRE

NORABOA A TODOS E TODAS!!! 

QUE AS BOAS LECTURAS ILUMINEN OS VOSOS DÍAS!!!

3º XUNTANZA DO CLUB DE PAPIRUS

 Nos últimos días de decembro, antes das vacacións de Nadal, o Club de Papirus volveuse xuntar no Bibliocastelo. Nesta ocasión para cambiar impresións sobre os libros  O PAÍS DA CHOIVA de Miguel Ángel Alonso e EL VALLE DE LOS LOBOS de Laura Gallego.

A avaliación polo de agora é positiva, aínda  que nesta última xuntanza faltaron algúns nenos/as xa que era en horario de tarde. Nestes últimos días tivemos dúas incorporacións tardías, así que contamos con dous alumnos máis para o seguinte trimestre no noso club.

Un saúdo e BOAS FESTAS! VÉMONOS Á VOLTA CON NOVAS LECTURAS!!!

GUÍAS DE LECTURA NADAL

 SEMENTANDO LETRAS, RECOLLENDO HISTORIAS

Compartimos as lecturas seleccionadas pola Coordinadora de Equipos de Dinamización Lingüística do Morrzo para que agasalledes LECTURAS EN GALEGO.

Agardo que sexan do voso agrado

LER NO NADAL

 Ola amiguiños e amiguiñas,

Aquí vos deixo algunhas recomendacións de lecturas invernais e de nadal para gozar no sofa, envoltos na manta, neses días de frío e chuvia.

Agardo que sexan do voso agrado!

2ª XUNTANZA DO CLUB DE PAPIRUS

 Nesta segunda xuntanza, primeira para o grupo intercambiamos as nosas impresións sobre o libro LAS HERMANAS INVIERNO de Joland C Bertrand. 

En xeral pareceunos un libro moi interesante pero algo longo polo que algúns/has non poideran rematalo pero prometeron facelo xa que estaban gozando moito coa súa lectura.

Este grupo foi un pouco máis esixente xa que lle deron un 8.6 de puntuación.

Anotade pois outra recomendación para estes días de inverno!

MES DA CIENCIA EN GALEGO

 O bibliocastelo encheuse de ciencia. Varios grupos acudiron a noso espazo científico para aprender experimentando.

 

 

SEGUINTES PROPOSTAS LECTORAS

Estás son as seguintes propostas de lectura do noso club de Papirus.

O PAÍS DA CHOIVA de Miguel Ángel Alonso Diz fala da importancia do idioma, de usalo e conservalo, e de como a nosa libua é parte da nosa herdanza cultural como galegos. De xeito delicado e con sensibilidade aborda a problemática da perda de falantes da nosa lingua.

EL VALLE DE LOS LOBOS de Laura Gallego (Crónicas de la Torre I) conta a historia de Dana, que se criou xunto cos seus irmáns levando unha vida normal. Un día o Maestro levouna con el á Torre no valle dos Lobos e non se imaxinaba que a súa vida ía mudar para sempre e se ía converter na depositaría de segredos tan máxicos como antigos. Que aventuras lle depara o destino? Fantastico libro onde nos achegamos a un mundo cheo de seres máxicos e criaturas sobrenaturais.

Agardo que estas lecturas vos deixen moi bos momentos!!!

1ª XUNTANZA DO CLUB DE LECTURA

 O mércores  12 de novembro tivemos a primeira xuntanza do noso club de lectura. 

Reunímonos no Bibliocastelo para comentar o libro Queco e Kika de Eva Mejuto. 

A opinión xeral foi que lles gustou moito e ata lle puxeron unha puntuación de 9, aínda que a algun/ha non lle dera tempo de rematalo.

Todos/as coinciden en recomendar a lectura deste libro, así que a que agardas???

FORMACIÓN DE USUARIOS

 Ola amiguiños e amiguiñas,

Teño unha proposta para que coñezades mellor a nosa biblioteca. Deixovos no mostrador da biblio unha caixa FORMACIÓN DE USUARIOS para que cando vaiades coas vosas titoras/res poidades descubrir os segredos que garda. 

 Vouvos dar un adianto do que contén. fichas e xogos para coñecer mellor todos os espazos do Bibliocastelo. Aprenderedes a movervos pola biblio e a atopar calquera libro ou material que queirades buscar.

Alumnado 2º facendo unha actividade de FU

 

Mural coas normas en rima feito polo alumnado de 4º

Agardo que vos guste e que vos convirtades en expertos bibliotecarios/as.

RECREOS DE CONTO

As miñas axudantes son moi creativas e por iso decidiron crear unha historia de Samaín, con bruxa e canción de TIK TOK incluídas. 

Convidaron ao alumnado de 1º e 2º o mércores 21 de outubro.

Aquí vos deixo unha mostra da súa interpretación que espero vos guste moito:

24 OUTUBRO DÍA DAS BIBLIOTECAS ESCOLARES

O venres 24 de outubro e un día moi especial para min. Por unha banda celébrase o DÍA DAS BIBLIOTECAS ESCOLARES e por outra é o MEU ANIVERSARIO. Non me preguntedes cantos anos cumplo porque son tantos xa que non levo a conta.

Gustaríame conmemorar con vos esta data e por iso vos convido ao meu BIBLIOCASTELO, aquí vos deixo a invitación e lembrade que non é preciso traer agasallo.

Teño preparadas moitas actividades para vós. Para empezar os meus axudantes de 6º de primaria queren darvos a benvida a un novo curso e presentarvos o proxecto para este ano "A PUBLICIDADE" cun video onde nos ensinan todos os recunchos do BIBLIOCASTELO:

Ademais, nos próximos días ides recibir a visita dos compañeiros/as que vos van apadriñar e amadriñar con poemas e lecturas compartidas. Agardo que gocedes de tan boa compañía por partida doble: libros e amigos/as!!! 

Xa tendes o novo marcapáxinas ? A que esperas para personalizalo e decoralo ao teu gusto?