ENTROIDO OLÍMPICO 2024

Un ano máis celebramos o entroido coa temática do noso proxecto deportivo "AS OLIMPIADAS DE PAPIRUS"

Por mor do mal tempo, nos vimos obrigados a reunirnos no ximnasio da escola e non puidemos recibir ás familia por problemas de espazo. Aínda así o pasamos xenial!!!

O evento comezou coa actuación de OS MULOS que viñeron cantar con nós as súas cantigas. Mirade nestes videos que ben nos sabiamos as letras:

Despois da actuación, comezou o desfile por niveis. Os nenos/as de 1º foron á hípica e ata levaban cada un o seu cabalo.

A rapazada de 2º mergullouse no entroido con traxe de baño e todo. Menudos nadadores/as!!!

O alumnado de 3º decidiuse polo rugby e ata nos bailaron unha haka!

Os rapaces e rapazas de 4º convertironse en expertos karatekas e nos amosaron os seus golpes máis precisos.

O alumnado de 5º sacou as súas taboas de snowboard e ben abrigados practicaron sen parar.

Os maiores da escola decidiron practicar un pouco de atletismo e vestíronse para a ocasión.

Pasámolo moi ben a pesares do mal tempo!!!

O ELEFANTE QUE PERDEU O SEU OLLO

O día 8 de febreiro, recibimos no cole de infantil, unha visita moi especial, Boniface Ofogo e Marc Taeger, autor e ilustrador do conto "O ELEFANTE QUE PERDEU O SEU OLLO" grazas á fábrica de contos KALANDRAKA.

Boniface naceu e viviu moitos anos nunha aldea no interior de Camerún, é especialista en fábulas, lendas, mitos e tradicións da África negra, entre os que destaca "O LEÓN KANDINGA", outro dos seus contos que nos gusta moito.

Mark Taeger e un ilustrador e deseñador moi coñecido en Bueu, A animación, a pintura, a escultura e a arte gráfica son as especialidades dos seus contos entre os que podemos destacar: "Un máis", "Garavanciño", " A verdadeira historia de Carrapuchiña", ...

Hoxe viaxamos con eles ao corazón de África através da fábula para afrontar as dificultades dende a calma e a tranquilidade. Boniface contou e cantou e Marc pintou a historia de "O elefante que perdeu un ollo"

Queremos agradecerlle a Ricardo de Kalandraka por contar con nós para esta actividade.

CONTACONTOS OS 3 CABRITOS

Nunha nova edición dos RECREOS DE CONTO, este xoves tivemos a sorte de contar no BIBLIOCASTELO cunha representación adaptada do conto clásico “Os 7 cabritos”

Paula, Alba, Lola, Kidist, Noa, Uxía e Saray, axudantes da biblioteca escenificaron a historia dos 3 cabritos para o alumnado de 2º de primaria.

Neste video podedes ver o boas actrices que son e o gran traballo de preparación que fixeron. NORABOA RAPAZAS!!!

FACHOS, EQUIPOS E BANDEIRAS OLÍMPICAS

 Ola de novo amiguiós/as: 

Os trasniños/as seguen a investigar sobre os XOGOS OLIMPÍCOS. 

E chegou o momento de construír o FACHO OLÍMPICO e tamén as dúas piras, a da cidade grega de Olimpia onde terán que prender o facho e a pira que van colocar no lugar onde celebrarán as súas olimpíadas!

PREME NA IMAXE

A continuación temos que prepararnos para o DESFILE DAS NACIÓNS, un acto das olimpíadas onde os deportistas organizados por equipos desfilan coas súas bandeiras. Para isto tivemos que facer 4 EQUIPOS OLÍMPICOS coa finalidade de deseñar e crear a nosa BANDEIRA!

PREME NA IMAXE

AS OLIMPÍADAS DOS TRASNOS

 Ola amiguiños/as:

Co gallo das OLIMPÍADAS DE PAPIRUS, vos propoño unha nova aventura que comeza con esta carta:

Unha vez o averiguedes, vos explico o seguinte paso nesta video-mensaxe:

E aquí está o resultado final! Se queredes ver todo o proceso clicade na imaxe:

PREME NA IMAXE

EXCELENTE TRABALLO!!!

GUÍA DE LECTURA NADAL 2023

Convídovos a gozar da lectura este nadal con estas suxestións da Coordinadora de Equipos de Dinamización Lingüística do Morrazo:

PREME NA IMAXE

GOZANDO DA CIENCIA

Novembro foi un mes moi, moi especial para o alumnado de 4º! Conmemoraron o mes  da ciencia en galego cunha chea de experimentos no espazo científico:

• A candea apagada
• Líquido non newtoniano
• Neve
• Papel que non se molla
• Chuvia 
• Erupción do volcán
• Peixes flotantes
• Debuxos vivos
• Ovo saltarín
• Arco da vella no leite

PREME NESTA IMAXE

PREME NESTA IMAXE

EXPERIMENTANDO CON OVOS MÁXICOS

A rapazada de 1º andivo estes días polo recuncho científico do Bibliocastelo, descubrindo o espazo e argallando algún experimento que outro.

Coa axuda das súas mestras, investigaron a razón da flotabilidade dos ovos e pareculles algo máxico. Despois comverteron uns ovos en bolas saltarinas. Foi moi divertido e interesante!!!

Neste video podedes observar todo o proceso e se clicades AQUÍ accederedes ao seu blog onde nos explican todos os pasos que seguiron: 

25N - NELAS TEMOS QUE CRER

Para conmemorar o 25N DÍA DA NON VIOLENCIA CONTRA AS MULLERES, todo o alumnado participou na composición dun video a partir duns versos octosílabos que cada aula foi creando, facendo referencia a esta data sinalada.

O produto final foi aderezado por Elsa a nosa fantástica profe de música que se encargou da melodía e da gravación en distintos espazos do centro. 

Ademais o alumnado de 2º reivindicou a construción da convivencia entre as persoas cunha actividade na que coñeceron a historia de mulleres que loitaron polos seus dereitos e cantaron unha canción moi significativa "La puerta violeta! de Rozalén. 

Preme na imaxe para saber máis

NORABOA A TODXS!!! 

UN TRABALLO EXCELENTE!!!

DESCUBRINDO A CIENCIA

Este mes de novembro a rapazada de 3º visitou á aula de ciencias para realizar algúns experimentos.

O primeiro foi o de “Leite de cores” co que descubriron como as cores, ao tocalas cun isótopo mollado con xabón parecían estoupar.

Tamén xogaron coa electricidade estática: o que mellor funcionou foi frotar o globo cos pelos (sobretodo se eran longos!) e despois pegábanse os papeliños. ¡Que divertido!

Para finalizar, recortaron unha flor de papel, doblárona e ao métela na auga abría soa, foi espectacular!

EXPERIMENTANDO COS SENTIDOS

Co gallo do mes da ciencia en galego, o 20 de novembro, o alumnado de 2º de primaria achegouse ao espazo cientifico do noso Bibliocastelo para experimentar cos sentidos.

Coas profes Rosa e Marta probaron e trataron de adiviñar diferentes sabores e olores. Tamén tocaron o alfabeto Braille e deixaron a súa pegada dixital nun papel. Ademais xogaron a descubrir obxecto só usando o sentido do tacto. 

Preme na imaxe para acceder ao video

QUE BEN O PASARON E CANTO APRENDERON!!!

LA PRINCESA REBELDE

O xoves 9 de novembro as miñas axudantas Paula, Lola, Noa, Alba e Kidist animaron o chuvioso recreo coa historia de "LA PRINCESA REBELDE" de Ana Kemp. Un conto diferente cunha princesa á que lle gustan as aventuras, facer trasnadas e que ten uns amigos pouco habituais.

Convidaron ao alumnado de 2º de primaria e tivo tanto éxito que organizaron unha segunda quenda para a seguinte semana:

O luns 12 os convidados foron os nenos/as de 1º e a representación volveu ser todo un éxito:

MOITAS GRAZAS RAPAZAS!!! SODES FANTÁSTICAS!!!

OS RÍOS DE GALICIA

Co gallo do MES DA CIENCIA EN GALEGO o venres 10 tivemos un obradoiro impartido por persoal de AUGAS DE GALICIA.

Primeiramente a científica da auga explicou as normas que se seguen normalmente nun laboratorio, e as que tería que seguir o alumnado durante a charla. Despois visionamos un conto onde coñecemos a Xistra, Unha gota de auga que foi a protagonista das actividades que realizamos.

Grazas a ela coñecemos a importancia de non construir nas beiras dos ríos e non desviar o seu cauce, xa que iso pode traer como consecuencia moitas das inundacións coma as que estamos a vivir estes días en Galicia e outros lugares de España, e que tamén observamos en diversos vídeos. 

Por outra banda, aprendemos a identificar as partes máis importantes do curso do rio e as fases do ciclo da auga, mediante unha maqueta e a axuda dalgúns voluntarixs.

Por último, realizamos un experimento con auga e fabas que nos axudou a comprender como os nutrintes se suxeitan á Terra, e fomos quen de contestar con pingas vermellas e verdes ás preguntas que fixo a científica.

Se premedes nas imaxes anteriores poderedes acceder a un pequeno video onde se visualiza o experimento.

LENDO CIENCIA NO BIBLIOCASTELO

Arrancamos o mes de novembro coa nosa exposición de libros sobre CIENCIA EN GALEGO

E unha cesta chea de libros con ideas para facer experimentos interesantes.

O alumnado de 6º foi o primeiro en facer unha sesión de consulta e lectura dos exemplares expostos, durante a súa hora de biblioteca

E agora agardo con moito interese as súas experimentacións no espazo científico e tamén os do resto dos compañeiros/as do cole.